[align=center]

عاتق المجد

يا بوي رمز المجد والعز والدين

والمرجله والمقدره والشامه
اللي طغى ذكرك في كل الميادين

زعيم كنك منخلق للزعامه
لو قلت كفك غيث كل المساكين

اخضر غصن وغردت حمامه
وسمعت آصوات العرب بالملاين

تقول:عز الله صدق في كلامه
من الف وتسعميه وواحد وسبعين

وللعام هذا وانت رمز الكرامه
من الخليج العربي لآخر الصين

والمجد في صدرك معلق وسامه
لو قلت يا (فزاع) رايح على وين

باقول مادري غير فكري ومادامه
متوجه لك يا حفيد السلاطين

باحاول انه يرتقي في مقامه
أنا مسوي لي قصيده في عشرين

بيت ولك في كل بيت علامه
أيامنا ياطيب الراس يومين

يوم ولدنا به ويوم القيامه
والفهم يطغى في عقول الفهيمين

على التعنت والجهل والغشامه
والناس منقسمين يا بوي قسمين

والكل منهم مختلف في نظامه
والاستقامه درب ماهو دربين

والمستقيم يقدر الاستقامه
والشين كل الزين في محجره شين

ومن التشاؤم يبتلش في منامه
وما كل دمعة عين تنزل من العين

فراق او هجران والا ندامه
ترى دموع العاشقين المحبين

سميتها نسخه من الابتسامه
اخترت لك باقة شعر من بساتين

فكر تحت ظلك رقى للغامه
والشعر ما هم ينحصر في الدوين

الشعر يبقى في القلوب احترامه
إلا انت وين وين من نافسك وين

يا عاتق المجد الاصيل وسنانه
لو قالوا (الاهرام)ورث الفراعين

تراك ورث المرجله والشهامه

:. كلمات: الشيخ حمدان بن محمد بن راشد آل مكتوم (فزاع)

[/align]