تغيرتي علي الحين ماعادك مثل اول،
تغير فيك اسلوبك وضحكة تخنق البسمة،
تغير همسك الضامي وطبعك راح يتبدل،
غريبه كل خطواتك تشق ابداخلي صدمه،
زمان الشوق في عينك بحر بالحب يتغزل،
دفاه انفاس عطشانه تدور داخله رحمه،
رسمتك باكر اشواقي لقيتك باكري المهمل،
حسافه ليه تغيرتي وانا اللي مبلغك حلمه،
نسيتيني وانا روحك وجسمك دوني مايكمل،
ودوني جسمك انقاضن تحاصر عالمه ظلمه،
مددت الحب بضلوعي غصن من قسوتك يذبل،
رماه الماضي بعيونك حضن من عالمك همه،
وش اللي غير اطباعك؟حقيقه عاشقن اهبل؟!
وثقتي فيه..لين الحين رميتينه وسط عتمه،
خساره يازمن هالحب عليه الناس ماتسأل،
رموه ابظلمة العالم وقالوا تنكر النعمه؟!
قلوب اتخون واقعها..وواقع صاحبه يجهل،
بأن الكون مايرحم متيم يحترف ذمه،
اذن هالحين انا برحل قبل لاقلبي بك ينذل،
واصون احساسي الصادق واعيش ابمنتهى الحكمه

وسلامتكم