[[بسم الله الرحمن الرحيم

انا بتمنى ان يكون عندكم حل لمشكلتى

قصتى بدأت بان انا كنت فى الكليه واتقدملى شاب ميسور الحال وانا مش موافقه عليه لأنى مش عارفاه واهلى غصبونى على الجوازوحصلت فترة خطوبه وكنت بدات ان انا احبه ولكن قرب الجواز حدثت مشاكل كتير وكنا طبعا هانوصل للطلاق وانا كنت زعلانه ومبسوطه فى نفس الوقت واتحلت المشاكل واتجوزنا وبدأت المشاكل من جديد دايما بيهملنى وكل حاجه عنده شغله واخواته ممكن يزعلنى طبعا علشان خاطرهم وانجبت طفل كنت دايما باقول ان الطفل ممكن يغيره ودايما بواجه بعدم حبه ليا وهو يقول لى ان مش يقدر يعيش من غيرى وانا كتير بعبرله عن حبى ودايما فى اعياد ميلاده مش نسياه لكن هو شغله وخده منى يخرج من الصبح بدرى ويرجع نصف الليل ويدخل ينام وطبعا مش سائل فيا ومن فترة بسيطة تعبت شويه وذهبت الى الطبيب واعجبت به جدا ودايما بتكلم معاه بحجة انى حاسه بتعب وهو طبعا مش فاهم انى انا معجبه لكن انا مخنوئه جدا لأنى بخاف من ربنا والخيانه طبعا حرام لكن جوزى هو الى وصلنى يارتنى ما اتجوزت لأن هو السبب فى ان ربنا ممكن يغضب عليامش عارفه اعامل جوزى ازاى علشان يحس بيا واعمل ايه فى مشاعرى اتجاه الشخص الاخر وكفايه ان انا كنت مغصوبه على جوزى كان نفسى يحببنى فيه ادعولى ان ربنا يهدهولى لان مش عاوزة اغضب ربنا وامشى فى طريق غلط


ياريت الاقى عندكم الحل وباقصى سرعه