اول شي الله يبعد ها الشي عن اهالينا

وثاني شي انه القهر انه يقولون انه الشباب هم السبب فالمعاكسات الي تستوي

بالعكس الشباب مب فكل الحالات هم السبب ليش والبنات ما يشوفن اعمارهم وانا اعيد (مب كل البنات) في بنات حاشمين اعمارهم وخايفين على سمعت اهاليهم وسمعتهم والله يحفظهم

بس في بنات الصرااااااااااااااحه لا يعرفون معنى الحشيمه ولا شي لابسين ها البنطلون وهاي العباه المفتوحه وها لازم عقب ما تتسبح فالميكب والعطورات ودهن العود (اتقول سايره عرس مب السوق)هههههه المهم وانا ما اقول بعد اطلعوا باخياسكم بس (كل شي بالعقل)انزين واتسير تتمشى وتتطالع الشباب وراسه ما يوقف من الحركه يمين ويسار اتقول (بيبي متوه)ههههههه انزين وعقب كل ها تسأل (ليش الشباب يطاعوني او ليش الشباب يغازلوني) ولا الموضه اليديده عند البنات لازم الواحد يكون كاشخ وشعره اطويل(فل اوبشن) بترابعين مووتر مب انسان ههههه انزين واهم شي يكون عنده بيزات(عشان الكشته)ويكون عنده (رنج اليديد) عشان تتخقق بين اربيعاتها وها كله من اهمال الاهل والاخوان آخر شي شو يقولون انه ليش مجتمعنا قام يخترب.للأسف

وانا ما افر كل شي على البنات لا بعد في بعض الشباب (الشلت)على قولت ولد بطي
(وانا بعد ما اقصد كل الشباب) في شباب الله يحفظهم محترمين وما يخصهم فحد لا يطاعون حد ولا حد يطاعهم فحالهم.

بس في بعض الشباب (الشلت) الصرااااااااااااااحه ويهم لووووح حتى (اللووووووووح احسن عنهم لانه جماد)يلفولك فها المراكز او الشوارع لا يحشمووون حد ولا شي وعافان الله حتى المنقبه ما خلوها فحالها على قولتهم(ياكلون الخضر واليابس) اتيوس مب اوادم
هههههههههه و لا في شباب راكبين ها المواتر ولفلفولك فالباركنات وامعلين على صوت الاغاني واي شريط يديد يشتريه مب حقه ترى يسمعه حق الناس الي فالباركنات (عنبوه مب موتر ها محل تسجيلات) ههههه انزين وها انا انصحكم فيه كل ما نزل شريط يديد سيروا حاوطوا فباركنات المراكز بتسمعون الاغنيه ابلاش تمك الحقى لين ما تسمع الاغنيه كامله وإذا وقفك وقالك(ليش تلحقني)قوله ماشي اخوي بس كنت ابا اسمع الاغنيه كلها خساره اسير اشتري شريط وانت موجود ههههههه والله (شر البليه ما يضحك)وصدقوني ها شي من ولا شي عن سوالف البنات والشباب

والله يستر على الجميع

ومشكور دم الفهد على الموضوع وانا مب داير لا ويا البنات ولا ويا الشباب

ونتريا يديدك