حبيت اقدم لكم هذي القصيده اعجبتني وايد وهيه من قصائد الشاعر المتميز
بكاماته الرائعه الشاعر الاماراتي سالم سيف الخالدي
ونشاءالله تنال اعجابكم



صــورتــك

لو تشوف اللّي أنا اشوفه ...... لو قرَبْتْ وغصت باعماقي

لو لِمَسك الحب بكفوفه ...... كان ما شككت باشواقي

مِنكْ حالي قرّب احتوفه ...... يا حبيبي وش بعد باقي

الزمن تطعنّي سْيوفه ...... وين بالقى درعي الواقي

شمس حبّي مِنك مكسوفه ...... والغرام اسْوَد واعتاقي

مثل ليلٍ حالكٍ شوفه ...... بالظلام ولا به اشراقي

مهجتي عطشا وملهوفه ...... وانت في شرياني السّاقي

ليش قلبك غيّر اشفوفه ...... وانت ذوقك في الهوى راقي

يا غرامٍ طوّل وقوفه ...... ما تغيّر فيه ميثاقي

أحضنه وآسامر اطيوفه ...... واحْبِسَهْ في نبض خَفَّاقي

قصّتي وياك معروفه ...... وان نسيت اتنشّد الشّاقي

فيك شِعري واسأل حْروفه ...... واسأل اقلامي والاوراقي

أسمعك في كل معزوفه ...... وانظرك بوجوه عِشَّاقي

صورتك للعين مألوفه ...... ما تفارق نظرةْ أحداقي