وعليكم السلام ورحمة الله وبركاته .......
اول شي عزيزتي انتي غلطانة........
اذا بتساليني ليش؟؟؟؟؟؟؟؟؟بقولج انتي غلطتي في انج عطيتيه رقم تيلفونج........
و انتي عارفة ان نحن اهل الامارات مشددين و مب بسهولة نخلي عيالنا فري او شرات ما يقولون نعطيهم الحرية الزايدة عن حدها........
و بعدين الولد لو كانت علاقته فيج جدية بمعنى الكلمة جان يا و خطبج من اهلج ما يلس يتعذر لج بهالأعذار اللي انا من وجهة نظري اجوفها اعذار و اسباب وااااااهية الصراحة و اسمحيلي يعني.....
لا اتحسبين من رمستيه اني انا ضد الحب بالعكس والله الحب لا هوه عيب و لا هوه حرام وشي وااااااايد غااااااااوي بس بشرط انه يتضمن هدف ف النهاية بين هالاثنين اللي يحبون بعض اللي هوه الزواج.........
و انا بقولج شي و اباج اتحطينه ف بالج و كلما تطري هالسالفة على بالج اباج تذكرين هالرمسة....
اتعرفين اي رمسة........؟؟؟؟؟؟؟؟
((الوالدة الله يطولي ف عمرها دوووووم تقول ان الحب لا هوه عيب و لا هوه حرام و حلاته يوم يكون بالشرع و الولد اذا حب البنت و بغا ياخذها على سنة الله و رسوله يخبر اهله و يشاورهم.......اذا وافقو كان بها يروح يخطبها......و اذا ما وافقوا ترا الولد يحب البنيةو يبااها على سنة الله و رسوله ف بيروح هوه بنفسه و بيخطبها من اهلها))
بس هذا مب معناته ان الامر ما يتعلق بالقضا و القدر......
عزيزتي انتي هذا قدرج انج اتحبين و ما يكون لج نصيب ويا الشخص اللي اتحبينه........
و كل انسان لازم يكون قنوع ف هالدنيا باللي كتب له رب العالمين......
و تاكدي عزيزتي اني انا اقولج هالشي و اعتبرج والله شرات اختيه و مصلحتج اتهمني......
والله سبحانه يقول::"و عسى أن تحبوا شيئا و هو شر لكم..و عسى أن تكرهوا شيئا و هو خير لكم"....
يمكن هالشي اللي استوى فيه خير لج و للي اتحبينه.......
كوني دايما قنوعة و لا تيأسين و لا تعتبرين هالموقف اللي استوى هوه نهاية العالم بالعكس دام ان هالموقف اتحسينه كسرج لازم تقومين و توقفين على ريلج من يد و يديد و انسي ترا والله الدنيا يومين و ما تسوي......
[size="5"]الله يجمع بينكم و يسر لكم كل اللي فيه الخير........[/size]
تقبلي مروري:::::::
اختج:::
\
/
\
قلــ سيف ـــب....