يا عمري أنا..
أنا اشتركت في هالموقع بس لموضوعج اللي ما أشوف فيه أي مصداقية..
مب أي شي ينقال لازم نصدقه..انا طالبة في جامعة الامارات.. وكنت موجودة في صيفي 2007 وطلعت اشاعات واايد في هذا الصيف وانا ما ارضى اي حد يتكلم في شي ماصار عن جامعتنا انا بقولكم شي العيون كلها على جامعتنا لانها السكن الداخلي الحكومي الوحيد في دولتنا الحبيبة.. ولاتصدقوون الموضوع لانه بالنهاية صدقووني ماصار اي شي من هذا اللي انتوا اتقولون عنه.. ويوم انتي تكتبين موضوع بهالجرأة انتي كنتي متأكدة من الكلام اللي بتكتبينه ولا بس زيادة عدد مشاركات لج.. طبعا بتقولين كل حد يتكلم ترى الاشاعة تنتشر بدون ماتعرفون مصدرها..وفي وحدة قالت يوم اشتكينا للمدامات قالولنها هاي حرية شخصية انا بقولج شو صار انتشرت السالفة في السكن والمدامات قاموا يدورون منو هذيلا اللي طلعوا هاي الاشاعة وزخوا كم من بنية وكل وحدة فيهم خذت الاجراء اللازم.. والبنتين اللي تتكلمون عنهم هم بروحهم راحوا للإدارة ورمسوهم عن السالفة.. ويابولهم كم من بنية اللي رمسوا في هالسالفة..
فمالج اي حق تتكلمين عن جامعتنا بهاي الطريقة إلا إذا انتي شفتيه فعيونج لانج تاخذين اثم كبير عليه.. شوفوا الجامعات الثانية بعد شو يسوون!!!!
ومسمتنه غنتوت الجزء الثاني ..شوفوا الجرأة لوين وصلت!!!!!