ازعلتنـي وكدرتنـي ياغـلايـه
وشقيت قلبٍ في هواكـم شغافـي
غيم الكـد عتـم عليـه سمايـه
عقب المحبه والكـلام اللطافـي
واقع كلامـك فالحقيقـه روايـه
اعيش فيهـا واقعـي بختلافـي
يوم البدايه تنتهـي مـن البدايـه
يا كيف بمشي خطوتي بحترافـي
ان كان ما تملـك فحبـك درايـه
لا تجرح اللي حبهم فيك ضافـي
صريح حبي ما استعرتـه كنايـه
حبٍ صريح وحب فيـه العفافـي
في مسرحك عايش فنون النكايـه
مشاهـدٍ فيهـا الـم و اعترافـي
حكايـةٍ تحكـي وراهـا حكايـه
وتسرد عليه كيف تـم انجرافـي
ابكي حزن والا الحزن من بكايه
والعين ما كفت دمـوع انذرافـي
واسيت همك لـو عليـه جنايـه
وانته تنوح وتشتكي حب خافـي
اشوف فيك اليوم حاضر معايـه
وانته تشوف الماضي اللي خلافي
لا تحسب اني في حياتك هوايـه
مشروع صيدٍ للقلـوب الخفافـي
ان كان في قلبك شريـكٍ سوايـه
لشراف ماترضى بشرك النصافي
عزيـز والله ماتشـوف انحنايـه
ابداً ولا اتبـع دروب انحرافـي
الذيب مايرتع علـى كـل شايـه
يرعى السمين ولا يصيد العجافي
وان كنت تحسبني على كل مايـه
انته حسابك منتهي فـي مطافـي
ارجوك يكفي يـا غلايـه كفايـه
ما عاد فيني مالصبر زود كافـي
ازعلتنـي واتعبتنـي يـا منايـه
وسقيتني منك مريـر الحسافـي
والله ماترجـع يليـن الصفـايـه
واذوق حبك مخلصلي وصافـي
منقول