من روائع الشاعر المبدع / سعد علوش
اترككم مع أجمل ما خطت انـامـــله
~~~~~~~~~~~~~~~~~~~~~~
... انــــــــــــكــــســــــــاري...
انكسرت من الفراق وشوف عيني ... شوف عيني وانت تدري بأنكساري
كـل مامديـت لـوصـالك يميني ... رحـت تتجاهل يميني مع يساري
حتى صرت اشوف جرحك في يديني ... في يديني لجور صداتك مواري
حس فيها لا بـلاها حس فيني ... لا تعبرها لـكن رد اعــتباري
وين مقفي جعل ما أنت بمنتويني ... بالجفا والخوف وانواع العزاري
يا اهلي يانصف ربعي ياخديني ... يامواني غربتي ياروح داري
ياشموخي يا أنكشافي يادفيني ... ياعلوي يابقائي يا أنحداري
يابداياتي ياماءي يا أكسجيني ... يا اندثاري يا اعتدالي يا أزدهاري
يا بلادة حسي وقـمه حنيني ... يا أختياري لا يا عشواء اختياري
اعشقك ماعادني في اول سنيني ... لين صرت أخذ مع نفسي قراري
من عرفتك وانت ثالث والديني ... اللجوء إليك يعني لك فراري
ضمني خل الضرر بينك وبيني ... الضرر من ضمتك شيء إضطراري
خل يدينك من الجور تحميني ... من جمود يعيشني لين انصهاري
كل ماضاقت بعيني يـا معيني ... ابتسمت وصار لــيلي نهـاري
فلا سكت تروح بالطيش تحكيني ... رجعي بطبعك وبأسلوبك حضاري
ماذبحني فيك إلا أنك تبيني ... وما سحرني إلا حكاك الاستـعاري
لاحكيت أحس بأشياء تعتريني ... ويخشع قلبي وتطري لي طواري
اعشق حكيك وأحفظه يا ضنيني ... حفظ ابن تيميه لـحكي البخاري
ولاسكت احط يدي في جبيني ... وارجي الله ما يطول في انتظاري
ادري اني عندك واسألك وينـي ... داريــــنآ لـكن ما كـأني بــداري
لـين شيطاني تلفظ كلمتيني ... ورحت منـي ما تبي سمع اعتذاري
لا تبكيني وتفرح عاذليني ... لا تخسرني بعد كـبر انتصاري
لاتخليني بعد فيضه حنيني ... وانت خابرني على الوصل انتحـاري
لاتروح بروحتك كلنآ يجيني ... ماني مكابر ولا حتى مـــداري
انكسرت من الفراق وشوف عيني ... شوف عيني وانت تدري بـانكساري
وســـلامـــتــكم ،،،