قصـيدة شكوى موجهه للغالي / سعود

//

ياسعود من غيرك بقالي من الناس = من غيرك الصابر على ما اشتكيله
//
ياسعود ضاقت بي وانا اخوك الانفاس = مكتوم من زود الهموم الثقيله
//
ياسعود ماتت بي علامات الاحساس = ماعاد لي قلب ٍ يوافيه جيله
//
ياسعود انا حيل امتشتت ومحتاس = ماعاد بيديني من الحال حيله
//
ياسعود ماشفت التقاليد تنداس = الا وانا ادري ماقفاها رذيله
//
ياسعود بلوايا من الراس للساس = حمل ٍ ثقيل وماقوينا نشيله
//
ياسعود صرنا لعبه بيد الانجاس = العود منـّا كل شي ٍ يميله
//
ياسعود دنيا ماعرفنا لها اقياس = ماتحسن براع الكرم والجميله
//
ياسعود من لا يغرس لدينه غراس = ويحط بينه وبين ربه وسيله
//
والله مايلقى سوى درب الافلاس = لين انه ينادي بساعة رحيله


//