السلام عليكم ورحمة الله وبركاته
كيف الحال اخواني واخواتي في هذا الصرح الشامخ
السموحه على الغيبة بسبب ظروف خارجة عن الارادة
اشتقنالكم واشتقنا لطلتكم الحلوة
قصيدة اتمنى ان ترقى الى ذائقتكم....
غدى حبك يا روح البال كأنه جمرة في قلبي
اذا بتمسك بحبـك بعانـي بـس بستبسـل
صحيح ان الجمر يكوي ولكنه زرع عشبـي
في خفاقي ويصفى لك على كيفـك ويتغسـل
فلا غيرك سكن روحي ولا غيرك غدى دربي
مع انك مع مرور الوقـت تتغلـى وتتكسّـل
ونظراتي اذا تلمـس جمالـك للعـلا تحبـي
وموقي يا دواء عوقي من النظرات يتعسّـل
ذكرتك فاحلى ايامي ذكرتك حتى في حربـي
وكل اعداي في حربي تجيني زحف تتوسّـل
اذا شفت الوجه احمر فلا تسألني ما خطبـي
تراه انـذار للغيبـه ومـن لقيـاك يتعـدّل
اذا قلت اني ماحبك ابـد لا تحسبـه كذبـي
انا متولـع فحبـك وحبـي ورد مـا يذبـل
اذا جاني الهواء شرقي بنظرة تقلبه غربـي
واذا تغمز لعين الشمس تقلبها الى الاسفـل
بدون عيونك الحلوة انا باغوض في جدبـي
وكل آباري العذبـه الـى البركـان تتبـدّل
طلبتك يا سنا عمري تجيني تصبـح بقربـي
انا وش حالتي دونك ..ابـد والله لا تسـأل