بتعيش لحلمك ولا فى حلمك ... ؟
مين فينا عارف نفسه ؟ ... مين فينا شايف أنه عارف كل حاجة ؟ ... تقدر توصف نفسك ؟ ... عمرك حسيت أنك غريب عن نفسك وعن بيتك ؟ ... جوه كل واحد فينا طاقات ، إمكانيات وقدرات ساعات ممكن نوصلها وساعات تتوه مننا ، مين فينا عارف إيه جواه ، إيه هو حلمه اللى عايش معاه ؟ ... هنقدر نعرف ، ولا هنفضل تايهين فى الطريق فى لمداه ، مين فينا عايز يدخل جواه يعرف فى إيه ؟ ... طب مين فينا بيخاف وبنخاف ليه ؟ ... يللا نجرب أنا وأنت أيوة إحنا هنشوف ونعرف أحنا عايزين إيه أنا عايز قلوبنا ما يملهاش الخوف ونمشى على الطريق وما نقعش .
إحنا بنشوف كلامنا بسيط مش محتاج تفكير ، محتاج بس نحسه ونعرف إيه ممكن يحصل عشان التغيير ، اللى قال " أنا أعلم أنى لا أعلم " أحسن بكتير ... عارفين ... ده كان إنسان قدر يعرف إيه اللى جواه وقدر يمشى الطريق لمداه ، فهمت أنا عارف إنك تهت ... أقولك حاجة أتقالت لك ولى كتير ... إعرف نفسك ... صدقنى ده أحسن تغيير ، بس عايزين نعرف بجد إحنا عايشين فين ... ؟ سؤال غريب مش كده !!
على فكرة إحنا بنسأله لنفسنا ألف مرة بس للأسف مش بنلاقى إجابة ... أنا عايش جوه حلم ولا واقع .. مع حلم .. يعنى أنا عايش بهرب من الواقع بتاعى عشان كده بحلم ، ولا أنا عايش الواقع وبحلم عشان أغيره ، ياريت نقدر نحدد أحنا عايشين فين عشان نقدر نحدد إحنا عايشين فين عشان نقدر نكون إحنا من غير تبديل من غير هروب من حلمنا لحلمنا بس الفرق كبير إحنا ساعات بنحلم عشان نهرب من اللى إحنا عايشينه ، لكن فى ناس بتحلم عشان تحقق حلمها ... !!! ممكن أسأل سؤال ؟ ... أنت عايش أى حلم فيهم ؟؟؟ ... ياريت نعرف عشان نقدر نحلم لأنه " ليس الفقير الذى لا يملك مالا ً ولكن الفقير هو الذى لا يملك حلما ً " وياريت حد يجاوب على سؤالى ... أحنا عايشين لحلمنا ولا فى حلمنا ؟؟؟ !!!