الطليان

رد : قصه اماراتيه تهبل
ـــــــــ فنص الليل..
الفقير احمد مواصل على النت من الساعه عشر.. كل شوي يقول بيظهر ويرد ويقول لا يمكن الحينه ادش..ومر الوقت وهو يتريا .. بالباجر دوامه يبدى من ثمان..بس شكله بيسويله طااف..
( الحينه شو سالفتها هاي.. ابا اعرف شو بلاها .. تغيرت مره وحده عليه .. شو يعني سامعه شي عني.. اف وحظرتها واعدتني انها ادش.. همتني عليها يعل عدوها السم .. بدش بايميلها يمكن داشه وامبلكتني..)
وفعلا ظهر من ماله ودش بايميلها.. لكن القروب اللي محوطه فيه كل ايميلاته مب محظوره..(حليلها شكيت فيها...خلاص بظهر استوت الساعه 4 ) احمد فخاطره..
و وغيرالها النك وكتب..( فطيموه يا السباله .. ترييتج وايد باجر عليه دوام من الفير اذ رقدت فالكلاس بسبتج تراه.. باي يهولتيه)
وظهر من النت وطاح يبى يرقد.. واذكر انه الفير وقام اتيدد وظهر صوب المسيد ولقى ابوه فالدرب وسار وياه..

ــــــــ الصبح بيت بو حمدان..
وعت شما من رقادها متأخره وعقب سارت حجرة نوره اللي كانت يالسه فحجرتها ترتب فأغراضها واطلع كتبها مال العام وتصفحهن وتشوف ربعها شو كاتباتلها .. كل كتبها سوالف وتنكيت فيهن واكثر شي كانت مريم تكتبلها .. تتذكر كل رمسة شو كانت سالفتها لانهن يوم مايرومن يرمسن جدام الابله قامن يكتبن خريطهن فالكتب.. وسمعت دق باب..
نوره: غريبه اسمع دق على الباب.. (علت صوتها) الباب مفتووح ..
ودشت شما: السلام عليج خويتيه..
نوره: وعليج السلام.. اووه شميم تعلمت فالاتكيت القاها..
شما: هيهيهيهي اونج غديتي حرمه معرسه ومحترمه.. لازم نقدملج الاحترام شويه..
نوره: وياها الراس يعني قبل مب محترمه ..
شما: لا هاهاها
وفرت نوره الكتاب اللي فايدها على شما..وماصابها ويايه بتفر عليها كتاب ثاني
شما: اووه .. حشمي حشمي .. اسوولف وياراسج..
نوره: جب سوالفج ساخفه..
شما: هاهاهاها .. ساااخفه..فديت فطيم كلمتها هاي... والله ولهت ع المدرسه وسوالفها..
نوره: ييهاا خلاص نحن مابنردلها.. (ورن تيلفونها..)
شما: رنة القلب هاي..
نوره: جب.. يلا ظهري.. (وترد ع التيلفون)..
شما: مب عليج ع اللي ييج انتي .. (وطلعت وصفقت الباب وراها)..
سالم: والخيبه تكسر الباب .. ثرج قو غناتي..
نوره: هاهاهاها الناس تسلم اول .. وبعدين هاي شموه اللي صافقه الباب هب انا..
سالم: شموه الحبصيه استوت عنيفه.. احيدها يهووله صغيروونه كتكوته..
نوره: كبرت اليهوله والكتكوته... استوت حرمه..
سالم: ياحافظ عليها.. ماعندي اخو ولا ماخليه ياخذ غيرها حتى لو بالغصب..
نوره: هاذيج الساعه بيكون وده على اختيه انزين.. الزيين فينا كمل .. لاقبلنا ولا بعدنا كاملين زين وحلاه..
سالم: وييه حرب قبليه استوت..
نوره: لا قول مب حلوات قوول..
سالم: فديت خشمج والله انكن غزلان .. اريام ها البلاد والله .. بس لاتخقين وايد..
نوره: بخق كيفي.. من حقنا..
سالم: والله هنيه بعد الغزلان بالهبل..
نوره: وجيه ما بغيتهن عيل ..
سالم: بس جيه دقت فراسي هاهاها.. قلت بغير شويه .. بخلط غزلان الشمال وغزلان الجنوب بشوف شو من الغزلان بحصل..
نوره ما استوعبت الامر .. وتمت تستفسره كيف يخلط ومايخلط شو قصده وهو ناقع من الضحك..
سالم: نوره حبيبي.. يعني بشوف بناتي كيف بيستون ..عرجهن عيناوي وخيماوي..
نوره (قفطت): جيه السالفه.. انزين عيالي لو ظهروا حلوين بيكونون عليه يعني على غزلان الشمال مب الجنوب انزيين..
سالم: يااسلام لازم بياخذون مني شي وياراسج..
نوره: لا انته مب حلو..
سالم: (يبى يغايضها) والله لو مب حلو جان ماطاحن كل البنات اللي يشوفني.. جان ماخذت ولا وحده رقمي..
نوره: (ابرد ماعندها) هاهاها قاص على عمرك تراك .. اكيد مرقم سبلان ففرحن انه حد مسولهن سالفه وركضن وراك..
سالم: (استغص يبى يحرها مب عارف) سبلاان هاا .. عيل براويج صورة وحده كانت ربيييييعتي (يمدها عاده) تقول للقمر خوز وانا بيلس مكانك.. يوم بتشوفينها هاذيج الساعه قولي سبلان انزين..
نوره: زيين هاتها بشوفها.. اوكي لاتنسى ..
سالم: (يزعج) نوورووه غصصتيبي.. باارده يعلج..حشى ما تغارين ماتحترقين ..
نوره: ليش بالله .. هيهيهي
سالم: بس بس سوينالج سالفه..
نوره: هاهاهاها حووه زعلت.. والله اسولف..
سالم: صبري انتي انا اسوق الحينه 200 وجدامي عمود كهربا بدعم عمري به ان ماقلتي انج غيرتي توج وانقهرتي..
نوره: هاهاهاها والله انك متفيج.. ونك ريال بتخلص جامعه ...
سالم: يلا قولي قربت منه..
نوره: هاهاهاها يا الخبله .. اشك اني ماخذه ياهل..
سالم:بتقوووولين وله..ها قربت..
نوره فخاطرها (خبله والله انك حليله وايد قهرته): رأفة بحالك .. خلاص بقولك.. هيه غرت خلااص..
سالم: جب انزين..
نوره: عاادي لووح..
سالم: وياراسج والله اموت فاللوح.. صدق تعرفين كيف تغصصين بالواحد.. وين وديناه المستحى الاولاني..
نوره : احم .. لاني كنت ماعرفك وايد ..
سالم: هيه وعرفتيني احينه وعقيتي المستحى بحر..
نوره: لاوالله قالولك فاصختنه..
سالم: حشااج ..
نوره: بس لاني خذت عليك .. قبل كنت ويه يديد بالنسبه ليه فلازم استحي الحينه تأقلمت شويه.. فهمت..
سالم: فهمت يا النوور.. بس شو اسوي والله احبج احبااااااااااااااااج..
نوره: ...........(قوموا عنها تعرق وتنشف)
سالم: هيه هنيه يرد المستحى ولا المعاير محد اشطر منج ..يعيبني مستحااج يخليج تحمرين بشكل وايد حلو..
نوره: لاوالله..مم انزين انا بسكر احينه عنك احينه.. رد بيتكم وتسبح وادخن لصلاة الجمعه ..
سالم: خليني اسولف وياج بعده وقت..
نوره: لاماشي.. يلا سير.. الشباب كلكم واحد اييون على اخر الخطبه بعد شو الفايده لاتسيرون اصلون..
سالم: لا والله انا ايلس فالمسيد قبل الامام حته..
نوره: يلا انزين .. هداك توصل بيتكم الحينه الساعه 12..
سالم: انزيين خلاص الحينه نازل البيت انا.. الا تبى تسكر..مابسكر لين اوصل حجرتيه..
نوره: امرنا لله..
ويوم وصل حجرته بند عنها وعق التيلفون ع شبريته وهو يضحك ويقول( والله حااله ها النويره..مشااكل) وعقب دش يسبح وسار يصلي الجمعه..
نوره من بعد مابندت عن سالم تمت يالسه مكانها وهيه تفكر فها الانسان اللي دش حياتها وغير من مجراها.. فها الانسان الطيب اللي كل من شافه اجبر انه يحبه.. وحمدت ربها عليه ودعت من الله انه مايفرق امبينهم ابدا..
فذاك اليوم مريم وفاطمه تمن رقود لين الظهر مب منهن من السهر والتفكير طول الليل.. ويوم نشن صلن الظهر ونزلن يتغدن ..

على الغدى ــــــ
بو محمد: يا الكسلانات الا توكن ناشات من الرقاد..
ام محمد: شو مونتهن فها الصيف غير الرقاد هن ثرهن..
حصه: شو تبونا يعني نسوي ..
بومحمد: اشتغلن في البيت .. خلني اذوق شي من اديكن..شو كله ناكل من ايد الشغالات حشا بيسمنا ..
مريم: انا ماعرف فالطبيخ الدسم هذا .. بسويلكم سويت هيه..
حصه: يااسلام عيل البشاكير شو مونتهن شحقه تعطونهن معاش..
ام محمد: يالله يا ام لسان انتي.. عيل باجر شو بتسوين يوم بتفتحيلج بيت..
حصه: بحط بدال الشغاله اربع..
الكل تم يضحك على حصه..
بو محمد: لابالله كديتي خير عيل..
.. وعقب الغدى يلسو فالصاله يشربون جاهي ويسولفون.. فاطمه طول الوقت كانت ساكته اللهم تبتسم .. مريم دايمن كلامها قليل يوم يكون ابوها يالس وياهم تحس بخجل منه وانها لازم توقره وتحترم وجوده يمكن لانها البجر فعشان جيه تقلل من سوالفها .. اما حصه ماخذه كل الدور وكل الدلع ..
بومحمد: ها بنت سيف ليش ماتسولفين..
فاطمه: هاا..لا ماشي.. ماعندي سوالف..
بومحمد: صف كم السنه اليايه بسيرين امايه..
فاطمه: ثاني ثنوي انشالله..
بومحمد: وعلمي هاا..
فاطمه: لاعمي مارومله العلمي .. بدش ادبي ..
بومحمد: هييه عاده الله الله فالدراسه نبا نسبتج ترفع الراس الحايله..
مريم: قدها بنت عمي ..
وعقب بشويه..روح بومحمد يرقد..
ام محمد: مريم تعالي شلي اخوج وحطيه فسريره..
وقامت مريم وشلت حمودي وتمت الا تبوسه..
ام محمد: مريووم خليه ماصدقته يرقد..
مريم: فدييته والله.. مادري كيف بصبر عنه .. الحلاوه كلها هوو..
عاده دورو علايه ها الوقت .. اكبر غيور فالبيت..
علايه: ليييييش وانا.. (وتبرطم)
فاطمه: هييه عاده عطيها من الحنان اللي عطيتيه حمودي..
مريم: هاهاهاها انتي العسل كله ..
علايه وهي تقرب من مريم وتيود بريولها: لا ابى بووثه بعد..
حصه: ااااااااااخ يا غمي على العصااا ..اييه انتي شو ها البزا..(وتبحلق بعينها عشان ازيغها)
مريم: فديتها وفديت بزاها شعليج انتي.. (وخت وباست علايه ).. سيري قوليلها انا سوو اغنيه باسمي وانتي لا.. يلا غني علوويه .. و دخلك يا عليااا..
علايه: ودخلك ياعليا..
مريم: يلا كملييها..
علايه: و يخلبيت عنونك يا عليا شوو حوين..
فاطمه: فدييت عنونج انتي.. شو ها الغنا الحلو ولو انه رايح .. هيهيهيهي
مريم: يلا روحي غايضيهن انا بسير اودي حمودي..(وروحت)
حصه: بس عيل..
ام محمد: حصووه هب تضربينها .. ادريبج تستفرديبها الضهر..
فاطمه: والخيبه بنت عمي شريره..
حصه: امايه هيه تغصصبي .. اتم تلعب واتصرخ وانا اتابع المسلسل .. خليها تلعب بعيد عني..
ام محمد: يالله عنج هيه متعلقتبج من تشوفج اتسوين شي هيه تسويه وانتي تضايجين منها..
حصه: يوم بتتأدب هااذيج الساعه ما بضربها..
فاطمه: حصوه ونج بسيرين اول ثنوي وانتي تحطين عقلج بعقل ها الياهل!
ام محمد: هاي المفروض تنرد الروضه اصلن..
حصه: والله شو اسوي يعني يوم ييت قصيره وشكلي يوحي اني صغنونه .. فديتني انا بنت ولا كل البنات.. وحرمه قدعه وسنعه..
فاطمه: نحن مانطري الشكل .. نطري ها التنك اللي فراسج..
ام محمد: هاهاهاها يوم بتتصرفين بعقل وماتحطين حالج من حال اليهال هاذيج الساعه بنقول عنج غديتي حرمه..
ويت مريم: شو تقولون..
حصه: ماشي مانقول شي..
مريم: هبي بلااج متفتفه..
علايه: على شان ماماه تقولها انتي ما حرمه..
ام محمد: علايه عن الشطانه انزيين.. يلا انا بسير ارقد..
مريم: يلا فطوم قومي نسير فوق..
حصه: وشلن وياكن هاي السباله دومها تفيزر عندي الضهر..
مريم: حصوه عن المصاخه هيه مابتسويلج شي..
حصه: والله عيل اقرصها قرص..
فاطمه: شلي اختج يبووج.. بتقضي عليها حصوه .. ماجنها ختها..
حصه: خلها تتأدب وماتدلع واايد ..
مريم: ماايحتاي.. هيه لو شو سوت تراه الدلع والبزا كله فيج انتي فها البيت.. تعالي علويه فديت روحج..
حصه: فديتني وفديت دلعيه .. واللي على راسه بطحه يحسس عليها..
وسارن البنات فوق.. وهن طالعات..
فاطمه: الله يعين اللي بياخذها عليها .. صدق صدق وايد دلووعه..
حصه: ايييه اسمعكن..
فاطمه: والقووم..
مريم: هههههه تخبريني عنها.. هذا شويه والله انها عادي عندها تضارب ويا أي حد جدام ابويه..
علايه: هييه حتى تشر شعري..
فاطمه: هاهاهاها حسبي الله على بليسها والله الياهل بعد تشكى منها..
مريم: هيه لو انها على نياتها وطيبه بس واايد دلوعه واايد تقهرني.. لو بسوي أي شي غلط مستحيل ابويه ينازعها ولا يعصب عليها.. حتى مدرساتها يشكن من دلعها ..(ووصلن الحجره ودشن وقفلن الباب)
فاطمه: من ابووج يعني هيه مستقويه..
مريم: تحيدينه ابويه وايد يدلع عياله بس حصوه مزودينه دلعها.. يمكن لانها يت قاصر وتمت فالشيشه شهر..
فاطمه: يحيكم قوم عمي.. انتي اظني سقطتي سهوا مادلعوج وايد ..
مريم: هه انا بجرهم واكثر يهتمولي زين.. بس مايعيبني اتم مايعه وايد ..
فاطمه: ابويه ماعطى عمي شويه من الجديه..
مريم: وييه لاا .. ابوج عصبي..
فاطمه: حليله ابويه.. ملعوزينه البيادير والمرجبيه كل يوم واحد يتكسر .. لازم بيعصب..
مريم: هاهاها حليلهم.. انزين (وتلف صوب علايه).. علايه حبيبي انتي ملانه صح..
علايه وهيه تلعب بالاغراض على التسريحه: لا ..
مريم: ماتبين تشوفين التلفزيون..
علايه: حثوه بتضربني..
مريم: انتي سيري تحت ان ضربتج قوليلي انا بضربها انزين..
علايه: اممم انزين..
وظهرت علايه من عندهن ..
فاطمه: ماندرابه عمي ناصر بيقوللهم عن السيره ولا لا..
مريم: خلج من السيره انتي.. ردينا لموضوعنا الامساني..
فاطمه: قلتلج كل شي تراني مريووم..
مريم: انزين .. انا طول الوقف كنت افكر فسالفتج..
فاطمه: ........ والله ادري اني غبيه ادري واني عبيطه وخديه وكل شي
مريم: والخيبه والخيبه شحقه تقولين عن عمرج جيه..
فاطمه: مادري احس فخاطرج بتقولين اني تافهه والمسأله مب محتاجه اني أكبرها جيه..واني بنت ماصخه لاني فكرت بالحب..
مريم: لا فطووم.. مستحيل اقول عن مشاعرج هاي انها تافهه.. تعرفين انه حبج لاحمد اطهر مايكون فطوم لاتستحين من مشاعرج ولاتقولين عن عمرج انج ماصخه..
فاطمه: ........
مريم: والله جد ارمس.. صح انج صغيره على الحب وبلاويه.. بس القلب مانقدر انا نمنعه من انه يختار حبيبه او انه ينبض بكل حب له..
فاطمه: يعني انا ماغلطت؟
مريم: خبريني بشو غلطتي.. انتي الحينه فصختي الحيا منج وقمتي تتغزلين فيه؟
فاطمه: لاا..
مريم: قلتيله انج تحبينه..
فاطمه: لاا..
مريم: قمتي ترمسينه فالتلفون او شي؟
فاطمه: بس على المسن...
مريم: امم هو صح المفروض انج ماترمسينه ع المسن واايد .. بس يعني هو مب غريب.. حتى انا مسوتله اد عندي بس طبعا ما اتمادى فالسوالف وياه ونادرا ما القاه..
فاطمه: بس انا اتمادى..
مريم: كيف يعني.. شو تقوليله..
فاطمه: يعني اتم اتغلى عليه وايد والله من غير قصد ابى اشوفه بعده يهتم لامري ولا لا .. ومرات احسبه يبى يعرف هل اغار عليه ولا لا..
مريم: والله مادري يا فطوم.. هو يمكن ها الفتره وخصه يوم قمتي اتمين بالساعات تسولفين وياه ع المسن تعلقتيبه اكثر.. بس انا انصحج انج تبطلين ها الشي..
فاطمه: والله ماروم اصبر عنه كم مره قلت خلاص ما بدش النت عسبه بس ما اقدر..
مريم: سوالفكم هيه نفسها يوم نيتمع كلنا؟..معاير وضرايب !
فاطمه: يعني.. مرات نضارب مرات نشكي لبعض .. يخبرني عنه وعن اللي يضايجبه وعن اسراره..
مريم: اهاا.. زيين شوفي فطوم.. اهم ما عليج الحينه انج تنتبهين لدروسج خلال ها السنتين.. خلي عنج الجانب العاطفي شويه.. فكري بعقلانيه.. ادري انه بيتم احمد فقبلج دووم بس حاولي اتصونين ها الحب وماتعرضينه لاي شبهه..
فاطمه: يعني خلاص .. ما ارمسه من عقب اليوم..
مريم: مب ما ترمسينه .. رمسيه عادي خلج طبيعيه وياه بس لا تخلين ها الحب يأثر عليج وايد.. يوم بترمسينه لاتعقين الرسميات امره.. امم كيف بقولها لج .. امم شوفي احسن حل عشان تعرفين راسج من ريولج..حاولي اطبينه ها الايام طالعيه شو بيسوي.. هو لو صدق يحبج ما بيتردد فيوم انه يرمس ابوج ويخطبج.. مافيه غير انج اطبينه عشان نعرف من انه يباج..
فاطمه: هه نفس كلام شما..
مريم: جيه قلتيلها شي انتي..
فاطمه: لا ماقلتلها .. بس هيه وايد تسألني واجاوبها بهيه ولا .. قالتلي سوي انتي الخطوه الاولى مادري خلج رزينه ووقفي الخبال وياه عشان تعرفين شو فقلبه.. بس شموه قالتلي خليه يصارحج انتي على طول خطبه ماخطبه..
مريم: ييه ييه على شموه لالا يصارحج شويه صعبه ما استصيغها.. يرمس دغري احسن.. وانا بجس النبض بتم اسأل امايه عن اللي خطب واللي ما خطب وبييب عن قوم عمتيه..
فاطمه: مريوم خلاص غيري السالفه لاعت جبدي من يومين وانا مكتئبه..
مريم: هاهاها حليلج.. ولا تحبين بنت عمي.. وانا تعتقدين اني بحب بعد وبتعذب جذيه؟
فاطمه: انتي ونوره نفس الشي ..
مريم: كيف يعني.. شدخل نوره..
فاطمه: هيهيهي بتحبن عقب العرس .. انا وشموه اللي بنتغربل..
مريم: لاوالله.. شدراج مايكون فحياتي شخص..(مريم وهيه تقول ها الجمله وردن خدودها )
فاطمه: لا ماظنتي .. (ويوم شافت مريم عقدت حياتها) مريووم بلاج احمريتي لايكوون..
مريم: هاهاهاها شو لايكون.. وين يا حسره..
فاطمه: لاجد مريوم منو فحياتج..
مريم: محد وياراسج اسولف الا.. انزين قوليلي اخبارها شما ويا الاخ الكريم..
فاطمه: هييه.. لا الحينه احسن عن قبل .. غير التعامل شويه..
مريم: زيين زيين عيل بشارة خير.. بس مايكون يعرف عنها شي.. مب حلوه فحقها تراه..
فاطمه: لا شو تخبلتي.. شما مب مخبره حد غيري ..انتي ونوره شويه اللي تعرفنه عنها..
مريم: هييه .. مول لاتفكر انها تقوله شي .. الدنيا مامنها امان..
فاطمه: مالقيتي غير شما.. والله انها على نياتها ومتحمله واايد .. تعرفين انهم مب مناسبين لبعض.. ماكنت احبذ حبها له.. علي غير وشما غير..
مريم: بس الاضداد يتجاذبون ..
فاطمه: مادري والله.. فديتها من يومين مارمستها ولهت عليها..
مريم: ياويل حالكن.. صبري بييبلج التلفون..
فاطمه: لا.. انا ابا اسير البيت..
مريم: انزين شحقه بييبلج التيلفون وبترمسينها..
فاطمه: لا الحينه ماروم ارمسها.. ابا ارد البيت .. ابا اتم بروحي شويه.. ارتب وضعي..
مريم: انزين صبري لين العصر.. حر ياله..
فاطمه: امم ابا اسير الحينه..
مريم: اوكيك ع راحتج يلا قومي اوصلج..
فاطمه: حلفت عليج لتمين مكانج.. ساد مآذتنج من امس.. انا بسير ولاعليه شر..
مريم: مايصير .. قوومي يلا بوصلج لين الباب..
فاطمه: لا ارتاحي مكانج.. شوفيني من الدريشه بس..حلفت تراني انثبري مكانج..
مريم: هاهاها خلاص امرج.. انتبهي لعمرج عاده..
فاطمه وهيه عند الباب: السمووحه بنت عمي ..
مريم: بالحل غناتي.. فمان الله..

__________________


http://www.shbab1.com/2minutes.htm
امحوا ذنوبك في دقيقتين

الطليان

رد : قصه اماراتيه تهبل
.........فاطمه وهيه تمشي فالدرب اذكرت انها بالامس وهيه ترمس احمد وعدته انها ادش فليل وقالها انه بيترياها .. تمت متلومه حست بحراره فويها اول مره توعده بشي وماتنفذه ونست كل شي خططن له وركضت صوب حجرتها عشان ادش النت قالت فخاطرها يمكن مطرشلها رساله او شي اكيد فتن عليها.. واول مادشت المسن على طول فتحت الرسايل تمت اجيك ايميلها معقوله ولا رساله منه! لا اكيييد حرج.. انحبطت وقبل ماتظهر من المسن انتبهت للنك ويوم قرته شقت حلجها (الحمدلله مب زعلاااااااان ياويل حالي انا .. شو بسوي بحياتي لو زعلت مني .. فدييته سهرته طول الليل.. يحبني احمد يحبني .. ) ورد فبالها رمست مريم ( خلاص يا احمد من اليوم وصاير مابتقولي يهولتيه .. اوكي فاطمه شو بتسوين من تشوفينه .. عادي ببتسم بس مابتم طايره من الفرحه.. زين ويوم يرمسج.. برد عليه بكلمه وكلمتين بس.. ويوم ابا منه شي.. لا مابذل عمري اوني بسوي عمري عزيزة نفس .. اووكي يا احمد ان ماظهرن قرونك ماكون فطيم هيهيهيهي ) وعقب ماظهرت من النت طاحت ع شبريتها اتفكر بحالها وتذكر سوالف احمد وذكرت يوم قالها انه يبى يخطب وحده و ياها خاطر بانها هيه البنت اللي يبى احمد يخطبها.. حمرن خدودها لمجرد ها الفكره .. من كان يتوقع انه فاطمه لاحمد! ,,,عقب سارت ادق لشما اللي هزبتها هزاب لانها كل مادقلها ما تحصلها..
......... مريم من عقب ماروحت عنها فطوم حست بملل فضيع سارت تحت ويلست فتره ويا حصه وعلايه .. ملت من ضرايبهن فخاطرها تضحك عليهن بس مب متفيجتلهن.. وعقب ردت حجرتها .. وقفت عند الدريشه وتمت اطالع البقعه اطالع بيت يدها وبيت عمها وطاحت عينها على المكان اللي كانت فيه ويا سعيد فالحوي.. حست بقشعريره وهيه تذكر الموقف ..(اخ كيف انحطيت بموقف جذييه.. ياالفضييحه مابنسى هذاك اليوم طول ما انا حيه.. ويه كيف شكلي كان اكيد غلط فغلط.. فقدتني من نسره .. انزين ابا اعرف ليش تميت متيبسه فمكاني لييش .. ااه سعييد معقول بتغير شي فحياتي انته! ليش افكر فيك واايد .. انته تفكر فيني الحينه؟
ياربي ليش فكري مشوش جذيه .. مابا افكر فسعيد مابا احلم وايد.. (ويلست على الكرسي وهي متاكيه على ورا) يامريم شوو ياج ها اليومين.. ها الشي غلط افهمي غلــط .. بس مابا افكر فالموضوع وايد وماباه يكون جدي .. احسلي اسير ادق لنووره..) وفعلا وسارت ادق لنوره ..
شما: الوو..
مريم: السلام عليج..
شما: هلاوالله.. وعليج السلام والرحمه..
مريم: علوومج..
شما: الحمدلله.. وانتي اخبارج؟
مريم: تشقح وتنطح اليدران..
شما: هاهاها الله يعينها .. تبين نوره بس انا عندي خط فعذرن..
مريم: وياراسج.. خلاص عيل ابا ارمسج ..
شما: لاوالله..
مريم: هيه يلابندي الخط ابا ارمسج ..
شما: ماعليه بدقلج عقب ماسكر عن الدماني..
مريم: ترمسين فطوم ها؟
شما: هيه عيل منو برمس بالله عليج..
مريم: ياالهرمه قالتلي بروح ابا اتم روحي ومابدق لشما.. لووتيه..
شما: هاهاهاها لاوالله توها الا داقه .. قالتلي هيه انها راده من عندج مساعه ..
مريم: هييه اتحرى بعد..انزين خلي النور ادقلي عقب..
شما: دقيلها ع تيلفونها انزين..
مريم: جيه الخساير .. الا صرف هوو.. بدقلها البيت الا ربع فالساعه..
شما: يااالقحط .. انزين كيفج وايد لقعتها فطوم ع الخط .. يلابباي..
مريم: باي..
وعقب اذان العصر سكرت شما عن فاطمه وسارت اتصلي ولاقفت نوره..
شما: صليتي؟
نوره: الحمدلله..
شما: هيه حق.. مريوم دقتلج تراها..
نوره: وشحقه مازقرتيني؟
شما: كان عندي خط..
نوره: لاوالله.. ويعني .. ليش ماتبندين وتزقريني؟
شما: بسم الله عليج.. بلاج غناتي مسلطه علينا ها اليومين.. قلنا بتعرسين بس تنتفخين علينا!.
نوره: لااااه.. بس بس جلبي ويهج..
شما: لاحوول.. اذ انتي متغصصه من حد بردي حرجتج فيه هب فينا.. بسير اصلي احسلي من رمستج الخايسه..
نوره: (رافعه حياتها ) من زيين رمستج..وبعدين تعالي منو يعني بيكون مغصصبي هاا.؟
شما: (طبتها ودخلت حجرتها)..
وسارت نوره ادق لمريم..
مريم: هلاوغلا..
نوره: اهليين..
مريم: وشحاالها..
نوره: الحمدللــه .. واخباارها..
مريم: تششششقح..
نوره: مريووم لحقي عليه..
مريم: ها بلاج .. شو مستولج؟
نوره: مريووم شمووه..
مريم: بسم الله بلاها..
نوره: ماتعطيني لسان توها.. هزبتني وطبتني.. جان يحترق ويهي..
مريم: هاهاها دوااج..
نوره: حليلي..
مريم: والله يا نوره اسلوبج مستوي يغصص بالواحد.. كم مره لاحظتج تراني .. كله تامرينها مستويه..
نوره: لاعااد..
مريم: والله العظيم كل مارمسج لازم تهدين عليها.. بلاج جيه تعصبين انتي.. شو مستولج ؟ مايرزا عليج ها العرس جنه بيخليج عصبيه..
نوره: لاامريووم والله مب عصبيه.. بس مرات اتي ترمسني وانا اكون تعبانه .. ومرات تستظرف دمها واايد..
مريم: حليلها لازم تخلين ذكراج طيبه ..
نوره: ياويلي مايرزا عليه.. والله تنرفزني مرات.. يوم بتشوفني ارمس سالم يييها يا تطنيزيات ..
مريم: هاهاهاها قصدها شريف..
نوره: بس ماحب التعليقات السخيفه..
مريم: تراني انا اعلق..
نوره: لا انتي غير..
مريم: يويلي مارووم بنتحر..
نوره: لا لا والله ابااج.. احبج والله..
مريم: وانا بعد احبج مووت.. بس ما اقهر كلامج الحلو..
نوره: ههاهاهاها الله يبحص عدوينج..
مريم: يالله فديتني .. هيه ماخبرتج..
نوره: شووه؟
مريم: باجر بنسير العين نحن..
نوره: منو بيوديكم؟
مريم: عمي ناصر قال بيحوطنا.. انا وفطوم وحرمته بس.. يااي وناسه بنفتك من حشرة اليهال والحريم..
نوره: يحيكم.. ودووني وياكم..
مريم: هاهاها لاحقه لاحقه..
نوره: احم احم..
مريم: شخباره..
نوره: تمام ..
مريم: يلا عاد عرسوا بسرعه.. ابا اسير افصل ..
نوره: يالله بعدنا اربع شهور..
مريم: مشكله مابسير اشرى وياج الزهاب.. بكون فالجامعه..
نوره: عادي يوم الخميس..
مريم: على الله.. يييه يحليلك يا سلوم..
نوره: اصغر عيالج سلوم..
مريم: عادي ادلعه..
نوره: لاوالله....... مريووم..والله انه ولد حلال.. هاذوه دق!!
مريم: لاحول ولاقوه مايحلاله غير يوم ارمسج يعني..
نوره: شو اسوي يعني.. يلا بخليج غناتي..
مريم: فداعة الله..
ــــــــ بالباجر.. يوم السبت الظهر طلعو ناصر وحرمته ومريم وفاطمه سايرين صوب العين .... وعلى الساعه خمس تقريبا وصلو بيت راشد النعيمي (بو احمد) .. ودق ناصر على تيلفون اخته على شان تفتحلهم الباب البرعاني وفنفس اللحظه انفتح .. ناصر عقد حياته ( ماشالله اتوماتيكي مالهم ماحييد ) يرمس البنات.. وهو يدخل لنه سيارة احمد فويهه.. وعطى بريك بسرعه .. ونزل..
احمد: والعثري شو استوى..وين هجموا هاذيل ( وشاف ناصر وهو ينزل وسار صوبه..ناصر كان يطالع السيارتين اذ انخدشن وله وانتبه لاحمد )
احمد: سلام عليك (ويتخاشمون) حيالله هل الشمال.. وين من زمان ماييتوا..
ناصر: وعليك السلام.. والله تحيد دوام فبوظبي طول الاسبوع وين تبانا انيكم .. وها ظهرتلي اجازه وييتكم بعد شو تبون..
احمد: هييه يحيك..
ناصر: يلا انزين .. حرك سيارتك بدخل امك تتريا..
احمد: جيه امايه تدري انك بتي.. ليش ماقالتلي..
ناصر: الا توني داقلها مخبرنها وقلتلها تخلي حد يفتح الباب وشويه لان انته فويهي..
احمد: هاهاها ترا كنت قايل للدريول يخلي الباب مفتوح والهرم ظهر وبنداه ونزلت افتحه ..
ناصر: هييه.. وين كنت ساير..
احمد: (وهو يطالع ساعته) والخيبه خمس دقايق وبيبدى الكلاس..
ناصر: اندوك ماخذ صيفي انته.. يلا سر عن يسجلونك غياب..
احمد: الا يروغني الخال.. ماعليه انزين الا كلاس واحد وبرد اغثك ..
ناصر: هاهاهاها يلا موافج خير..
وركب ناصر سيارته واخر على ورى وطلع احمد... كان البيت كله فاضي زين انهم لحقوا على لطيفه قبل لاتسير عند الحريم..
لطيفه: يامرحبا بالغالي ..
ناصر: مرحب باجي.. وشحالج ام احمد..
لطيفه وهيه توايهه: بخير وسهاله شحالك انته وشحال فريجك..
ناصر: يسلمون عليكم ويتخبرون عنكم من شهر ماييتونا..
لطيفه: شو اسوي باحمد كل ما اقوله ودني قالي كليه ..
ونزلن البنات شنطهن وسارن صوب عمتهن يوايهنها..
لطيفه: شحالج موزه..وشحالكن بنياتي..
البنات: بخير وسهاله
لطيفه: يالله ياناصر ماجني انا مربتنك ماتقول عندي اخت هنه بمر اسلم عليها....
ناصر: هاتراني ييت .. وييتنا شكلها بطول ثلاثة ايام بعد ..
لطيفه: زيين والله.. تعالو قربوا فديتكم..
ناصر: جنه راشد محد..
لطيفه: هيه سار صوب الضواحي .. بيرد المغرب..
وعقب دشو ويلسو كلهم فالصاله يسولفون وعقب فتره يا ابو احمد واستانس على ييتهم واذن المغرب وساروا بواحمد وناصر صوب المسيد ..
وعقب ماصلن مريم وفاطمه يلسن فالصاله ووياهن عيال عمتهن (خالد وخلود) ويلاعبنهم ..
فاطمه: يالله فديتهم مريوم وايد يشابهون.. ماشالله عليهم..
مريم: تعرفين انهم ياخذون من احمد..
فاطمه تبتسم....
مريم: جنه احمد مايدل انه نحن بعد يايين ..
فاطمه: يالله مالقفنا خاري كيف مايعرف ..
مريم: انزين السياره مغيمه يمكن ماشافنا.. ويمكن عمي ماقاله انه نحن يايين بعد..
فاطمه: كل شي جاايز..
(ويت موزه ولطيفه وهيه شاله وقي بيض للبنات)..
لطيفه: اندوكن بناتي و عقن عنكن ها العبي.. انا بسير اشوف العشى..
موزه: لاتعبين عمرج يام احمد .. ادريبج مابتخلين شي مابتسوينه..
لطيفه: يالله كم مره اتونا ثركم .. عادي فديتج..(وسارت عنهن..)
مريم: موزه وين نعق عبينا؟
موزه: مادري والله .. انا حطيتها فالحجره اللي صلينا فيها.. مالت الضيوف..
فاطمه: قومي مريوم بنسير نعق ها الطرابيل والله هلكت حر..
مريم: موزه شوفي اليهال..
وسارن وعقن عبيهن ولبسن الوقي البيض .. وردن الصاله ويوم شافن انه لطيفه تأخرت سارت موزه صوبها اما البنات تمن ويا خالد وخلود .. وشويه لانه احمد دااخل البيت وهو يغني ويطرب و انتبه للبنات اللي يالسات فالصاله.. مريم كانت يالسه على الكرسي اللي مجابل الباب وفاطمه على الطرف وميلسه خلود جدامها وهيه تأكلها تفاح وخالد يحاوط فالصاله ومب راضي يقرب صوبهن وسمعن الباب ينفتح..( فطووم احمد ياا) مريم ترمس فطوم بصوت واطي... وجدم احمد صوبهن وهو معقد حياته.. يبى يتأكد ..
مريم: بسسم الله .. بلاك زايغ.. تشوف وحوش.. (وقامن البنات ولفت فطوم صوبه)
احمد: هاهااها لاا بس مستغرب ناصر ماقال انكن يايات وياه.. شحالج الريم..
مريم: بخير وسهاله..
احمد وهو يلف صوب فطوم ابتسملها : هلاا فطامي.. شخباارج !..
فاطمه: الحمدلله.. (وابتسمت)
احمد وهو يشل اخته خلود.. : ها خلود بنات خوالج هنه .. مستاانسه..وحليلها ماعندها خوات يلاعبنها جنكن الا بتاخذن الدور اليوم..(ويركض خالد صوبه )
خلود وهيه مطرطره عيونها ومستانسه لانها شافت احمد وتمت تلعب بغترته وتشرها..وخالد يشر كندورة احمد..
ويلسوا.. تموا يسولفون وفاطمه تحاول انها ماترمس احمد يسألها وهيه تجاوبه بكل برود واللهم تعلق .. بروحه هو تم مستغرب (صدق متغيره بلاها من اسبوع وهيه جيه..) احمد يرمس عمره.. خالد تم يناقز جدامه يصيح يباه اييلسه جدامه ويخوز خلود عنه.. عقب شلاه ويلسه حذالها..
مريم: متعلقينك خوانك..
فاطمه: غادلهم الاب الحنون تراه..
احمد وفيه ضحكه على حال فاطمه بعده مب مستوعب فكرة انه فاطمه تيلس فمكان وهو فيه بكل هدووء!
احمد (وهو يرمس مريم): شو مشكلتها هاي..
مريم: مادريبك والله.. تسألني انا.. اسال عمرك..
فاطمه وهيه اطالع مريم بنص عين..
احمد: انا ماقلتلها شي ..
فاطمه: انزين مافيني شي.. عوذ بالله غصب لازم فيني شي يعني..
مريم: مم اخبركم انا بسير عند عموه وموزه .. تأخرن..(وهيه تقوم)
فاطمه تقوم وراها: بسير وياج..
احمد: زيين عيل انا بسير حجرتيه شويه .. شلن خالد وخلود وياكن..
...............
وفليل تعشوا الرياييل فالميلس والحريم فحجرة الاكل.. وعقب العشى تمو يسولفون وترخص منهم بواحمد لانه كان تعبان شويه ووساروا الشباب ويلسوا ويا الحريم فالصاله الكل مرتبش وماياه النوم حتى اليهال (جاسم وخالد وخلود)...
ناصر: اسميكم يا عيال اختيه .. عليكم علووم ماينمل منها.. بس اسمحولي منهد من الدرب تراني..
لطيفه: فديتك يا الغالي.. سيروا ارتاحوا عيل.. انا بعد بسير اطالع الشويبه شكله تعبان..
عبيد: ييه ييه.. يويلي على اللي يحاتي..
لطيفه: يالله يا انته..
احمد: حشم امك وياراسك..
عبيد: فديت العيووز تعرف اني اسولف..
لطيفه: عيووز اللي بتاخذها..
فاطمه: هاهاها تستاهل يا الهرم.. (واحمد يطالعها وهو يشب ضو.. مطنشته طول الوقت ومن يرمس عبيد ردت عليه وضحكت)
عبيد: هه اصلن الحريم سمهن يوم حد يكبرهن.. صح عيووزنا..
لطيفه: لا لا عادي.. كلنا نكبر بعد شووه..
سالم: جيه عيل حرجتي ها امايه هاهاها
ناصر: ماعليه استلموج عيالج الحينه..يلا انا وحرمتيه داخلين نرقد..(وروحوا)
لطيفه: وانا بعد ..
احمد: هاكيه زعلت امكم ماعليه..
عبيد: يالله من قالك انته بعد .. (ويسير صوب امه ويلوي عليها) فديت امايه ماتزعل مني (ويبوسها على راسها)..
احمد: يالله يالله..
مريم: مشااكل ها العبدي .. ثره الا طبعه من طبع علي ولد عمي.. هيهيهي..
لطيفه: انزين عيالي يوم بتسيرون ترقدون بندوا الليتات هب تخلون البيت شابه ليتاته .. (وشلت عيالها وروحت)..
وتمو الشباب بس.. احمد كان يالس على طرف الغنفه ويطالع التلفزيون وهو مفول وواصل حده..وعلى الطرف الثاني يالس عبيد وحذاله جاسم... والغنفه الثانيه يالس سالم وحذاله مريم وفاطمه على طرفها صح كانت مجابله احمد بس طول اليلسه مالفت صوبه.. وان طاحت عينها فعينه تخلي الامر عااادي واطنش ..
عبيد: فطووم علي سار المقابله..؟
فاطمه: هيه من اسبوعين اظني.. عقب كم يوم اظني بيظهر قبولهم..
عبيد: هيه اونه يبى الشرطه هو..
مريم: يبى شويه يبووك.. والله انه متخبل عليها..
سالم: يالله جان ماظهرله ...
فاطمه: لاتفاول عليه.. انشالله يقبلونه..
سالم: هاهاها ماتفاول بس اتخيل شكله كيف بيغدي..
جاسم: مريووم جيه مايبتوا علايه؟
عبيد: طااع المفعوص من الحينه تعلم..
فاطمه: هاهاهاها حراام عليك .. ربييعته علايه..
عبيد: يا الهريم بنخطبلك اياها يوم بتكبر واشوفك قول ماباها..
مريم: فدييت علايه .. وين بيلقى احلى واجمل وارق منها فها العالم كله..
سالم(بصوت واطي): وحصه ليش مايت؟
مريم: هيهيهي لحقت اخوك..
سالم يطالعها: لا جد ليش بس انتو يايين..
مريم: عمي ناصر فخاطره يحوطنا انا وفطوم .. وبس جيه..
سالم: هيه.. حليلها خليتوها بروحها فالبيت..
مريم: اوونك.. شو بروحها امايه وبويه وياها..
سالم: فدييتها..
مريم وهيه تضربه على ريوله عند ركبته: ام عليك.. بعدك لاحق انته..
عبيد: ايه شو عندكم تصاصرون
مريم: عندنا علووم..
سالم: شدخلك انته..
فاطمه: ييه ييه اسرار بعد عندهم.. عادي قولولنا مابنخبر حد..
احمد (يبى يبرد قهره): يالله ياا اللقاافه .. بنت خالي ماخبروج انه اللقافه امررره مب زيينه..
فاطمه(وويها متلون من القفطه): لاماخبروني..
مريم فخاطرها(والخيبه شو مستوي عندهم هاذيل .. بس فطووم عجيبه بردت هوادي.. اسميه شكله غلط احمد.. اكيد متغصص.. بنشووف اخرتها يا احمد شو بتسوي.. فديت بنت عمي سمعت رمستيه وخذت ابها....)
و نش احمد من مكانه عقب ماصدق انقهر على الاخر وسار عنهم حجرته.. وتموا الباجين شويه وعقب روحوا...

__________________


http://www.shbab1.com/2minutes.htm
امحوا ذنوبك في دقيقتين

الطليان

: قصه اماراتيه تهبل
ــــــــــــــــــ بالباجر في بيت بوعلي..
كان علي راد البيت الضهر وهو منقهر على الاخر ... كان وياه سعيد يهدي فيه بس علي صدق كان مضايج.. ويوم شافته امه..
ام علي: بسم الله بلاك وليدي..
علي : اففف(ويفر الجريده على الطاوله).. طلع اسمي فكلية زايد.. (ويلس على القنفه وهو ميود راسه)
ام علي:.. ظهرو الاسامي جد؟
سعيد: هيه عمتيه ..
ام علي: انزين الغالي كلية زايد بعد زينه..
سعيد: عاد ظهر اسمه فاول شي جان مايعطونه مشروع ..
ام علي: شو يعني بعد ها..
سعيد: مشروع.. سفر يعني..يدرس خاري
ام علي(وهيه تيلس حذال ولدها): انزين خلاص يا علي حصل خير..سر المقابله انته وشوف وين بيحطونك..
علي: اماايه بس انا ابا الشرطه.. ماتفهموون ابا كلية الشرطه ومابا شي ثااني..
سعيد: تراني اقوله.. يمكن يظهرك الجويه ولا البحريه.. طالع انته
علي: مابا اسير كلية زايد مابا غير الشرطه..
ام علي: انزين خلاص يعني ما بيقبلونه فالشرطه..
سعيد: ماظنتي عمتيه .. ظهروا الاسامي وطلع قبوله خلاص..حتى بالواسطه ماظني ..
ام علي: انزين غناتي دش الجامعه .. مستقبلها زيين..
علي: ......................(وقام من مكانه وعلى طول ركض فوق لحجرته)..
ام علي: حسبي الله عليهم جان قبلوه شو بيستوي عليهم.. من متى وهو يصيحها ها الكليه..
سعيد: شدراني ..حليله واايد مضيج الحينه.. عمتيه خلوه على راحته.. لاتجبرونه على شي.
ام علي: فديت روحه..
سعيد: ماعليه عيل انا بروح الحينه.. تامريني بشي؟
ام علي: سلامت راسك يا الغالي.. سلم على ابوك وهلك ..
سعيد: يبلغ انشالله.. فداعة الله..

دمعت عين ام علي على حالة وليدها.. وتمت تفكر فيه ودقت لبو علي وخبرته بالسالفه..
ويوم رد بوعلي البيت سار على طول عند علي ...كان علي مسلقي على شبريته يفكر .. شو بيسوي.. وين بيسير الحينه عقب ماتهدمت كل طموحاته..
ودخل ابووه..
بوعلي: السلام عليك..
علي وهو ييلس: وعليك السلام والرحمه..
بوعلي: شحالك ..
علي: الحمدلله..
بوعلي وهو ييلس على الكرسي..: تعال الغالي يلس هنه..
علي: انشالله..
بوعلي: انزين يا بوحسن.. وشهباتك..
علي: ...............
بوعلي: يا علي اسمعني زين.. يوم الانسان تخيب اماله مب يعني نهاية العالم.. لا ياوليدي ...
علي: ابويه يعني وين بسير الحينه خبرني فشو بنفع.. ماكنت محطي فبالي غير الشرطه .. مارسمت مستقبليه فشي ثاني ..
بوعلي: يا علي على الانسان انه يواصل ويكافح مب خلاص والله ماقبلوني مابا اشتغل ولا بنفع فشي .. الحينه بتتحدد بدايك فقرارك اللي بتتخذه .. مستقبلك كله يعتمد على ها اللحظه اللي بتقول ابا اسوي ها الشي.. شوف انا مابغصبك على شي ولابقولك تعال مسك الحلال عني ولا بقول والله اشتغل مثل شغلي .. اباك تتعب عشان تحس بطعم النجاح.. على ايامنا دخلنا يدك مدرسه عسكريه وانا بعدني عمري 14 وعمك 16 !! كنا انا وعمك خليفه نسير ونرد .. كل اسبوع من بوظبي لراس الخيمه ماعيزنا وتخرجنا ضباط وواصلنا لين يومنا ها عمك كمل واصل هاكوه.. بس انا تقاعدت مب لاني فشلت.. تقاعدت بس عشان اريح ابويه من موازر الضواحي والعزب .. يا علي اباك تكون ريال مسؤوول على شان تقبض كل شي من عقبيه..ابا اطمن اني لو مت خليت ورايه رياال ينشد به الظهر..
علي: ربي يمدك بطولة العمر يا ابوويه..ويحفظك ذخر النا (ووخى وهو غالبتنه الغبنه )
بوعلي (وهو يحط اديه على جتف علي): دام انا عايش ياعلي تأكد اني على طول بكون وياك ووين تبى تسير موافقنك .. تبى تدرس بتدخل احسن الجامعات .. انته حر فاللي تبغيه .. بس اللي مابغيه منك ها الاستسلام اللي فيك..
علي: انشالله ..
بوعلي: انزين انا الحينه بسير عنك.. بخليك تفكر على اقل من مهلك.. واي شي تبغيه انا حاضر..
علي: مشكوور ابوويه..
وقام بو علي وهو يطالع ضناه .. يالله شقى الايام تربع.. نفس ها الموقف مر هو فيه.. جان يذكر نصايح ابوه له ولاخوانه.. عليكم تشتغلون وتكدون اباكم تحسوون بالمسؤوليه ابا ارفع راسي بكم ... ابتسم يوم يت ها الايام على باله وظهر من حجرة ولده..
رد علي لافكاره يبى يعرف الحينه شو بيكون مصيره ووين ناوي يسير مستحيل يتريا للسنه الثانيه عشان يطالع بعدهم بيقبلونه ولا لا.. اذكر شما وهيه تتمناله اانه يقبلونه .. ااه يا شما مابتشوفيني بالبدله الزرقا موول.. ويا فباله ذكرياته وسوالفهم وهم يهال ايام ماكان عمره تسع سنين..
علي: اييه مريووم منو منكن ضاربه شما ها؟؟
مريم: وانته شعليك..
نوره: احيدها اختيه مب اختك..
علي: حليلها يالسه بروحها عند الدجه وتصيح..
فاطمه: علي انا مالي دخل..
علي: مب ربيعتج هيه .. ليش يالسه ويا ها الثنتين الشريرات
نوره: نحن مب شريراات..
مريم: هييه والله...
علي:عيل شو يصيحها.. هاا
فاطمه(تشر اخوها من كندورته): علي يبنها اتيبلهن ماي ويوم ماطاعت ماخلنها تلعب..
علي: شوو.. وياها الهوايا خدامتكن هييه..
نوره: جييه انته المحامي مالها ونحن مانعرف..
مريم: كم تعطيك معااش عشان كل يوم اتي تنازعنا عسبها؟
علي(متغصص): مالت عليكن انزين.. شماااا قومي تعالي ويايه.. براويج شي بيعيبج..
فاطمه: شوو هوو.. انا بسير وياكم..
علي: جب يلا حد قالج اتمين وياهن وشما اتصيح..
نوره: بس عيل..مسولها سالفه
مريم: سير يلا محامي شما..يلا رووح ..
برقت فذهن علي فكره عمره مافكر فيها اوحتى خطرت فباله.. رسمها فباله خلاص وانطبعت ها الفكره .. عيبته وشاف ابعادها واقتنع ابها بعد حالة اليأس اللي صابته .. وابتسم ابتساامة رضا وقال..( لو تعرفين يا شما انج انتي بتكونين السبب لو حققت اللي فبالي الحينه؟!! )
من عقب ماظهر بوعلي من عند ولده .. سار عند حرمته وقالها شو دار بينه وبين علي..
ام علي: والله غامظني ها الولد.. تحيده من هو صغير يبى الشرطه..
بو علي: هذا اللي صار .. مني انا الغلطان كل شي بغاه يبتله اياه والحينه ماقهر يوم مانقبل..
ام علي: وشو قالك .. وين يبى يسير؟
بوعلي: مادريبه .. مب فباله شي.. بس شكله من سابع المستحيلات يفكر انه يدرس..
ام علي: الله يهديه بعد هو.. شو بلاها الدراسه..
بوعلي: خليها ع ربج.. سيري حطيلنا الغدى انتي..
ام علي: انشالله..
..... علي فها الوقت اتصل بواحد من الشباب وهو ربيعه وربيع سعيد من ايام المدارس....
علي: السلام عليكم..
مصبح: وعليكم السلاام والرحمه..
علي: شحاالك مصبح..
مصبح: بخير وسهاله.. شخباارك انته..
علي: الحمدلله مانشكي بااس..
مصبح: ولايقولون قبلووك فكلية زاايد.. مبرووك.. زيين بعد بتكون ويايه..
علي: هه بس ماباها..
مصبح: افا لييش.. غيرك يتمنى والله .. هكم نص الربع انردوا ومانقبلو فمكان .. شو خانتهم بيلسون بطاليه بليا شغل ولا مشغله..
علي: الله يعينهم.. والله ياخوك فكرت بشي ثااني..
مصبح: ها شو فكرت لايكون جامعه..
علي: هيه ابا اكمل درااسه..
مصبح: ولاتقول جامعة الامارات.. اخييه لاتفكر..
علي: هاهاها بلاها جامعة الامارات انزين .. كل محد يطري جامعة الامارات قاموا الشباب الا اخييه واخيه..هاهاها ارتااح مابا جامعة الامارات..
مصبح: عيل وين؟
علي: والله مادري.. فكرت فالجامعه اللي يدرس فيها قريبك.. فمصر..
مصبح: محمد ولد عمتيه! هوو يدرس هناك ويا المصاروه بس ناسي اسم جامعته .. انزين شو تبى العذاب والسفر .. محمد بروحه متعذب ..
علي: بس وااصل ماشالله..
مصبح: هيه بيتخرج عقب سنتين..بس ماقلتلي شو تبغي تدرس؟
علي: ابا ادرس حقوق ومحاماه..
مصبح: ماسرت بعيد الا نفسه!
علي: انزين يوم فكرت فالحقوق اذكرت ولد عمتك.. وياعلى بالي اني اسير ادرس وياه فمصر.. على الاقل بلقالي ونيس..
مصبح: وشدراني ياها الربع.. وشو اهلك موافقين؟
علي: بعدني ماشرتهم .. بس اكيد مابيعارض ابويه..
مصبح: زيين يارياال.. خلاص عيل انا انشالله بدق لمحمد وبخبره عنك.. واي شي تباه حاضرين يا بوحسن..ومحمد تراه في البلاد اذ تبانا نسيرله بعد حاضرين..
علي: زيين بعد عشان اعرفه عدل.. ماكان بينا غير السلام..
مصبح: هيه تراه ماكان ايينا دوم الا جان بسيرله انا ..ومن رابع المصاروه موول ماينشاف..
علي: هاهاها .. يحيه..
مصبح: يحييك..
علي: زييين عيل..مشكوور الغالي و ماتقصر.. وانا بخبرك يوم بيتحدد كل شي..
مصبح: خلاص عيل..
علي: بخليك انا الحينه.. فداعة الله..
مصبح: مع السلامه..
وعقب ماسكر علي تم طايح مكانه بس يتخيل عمره .. منو كان متوقع انه علي يفكر يدرس.. والحينه بارادته هو من غير محد يضغط عليه اختار انه يدرس حقوق ومحاماه!! .. يته رغبه كبيره انه يكمل مشواره العلمي برع ويحصل على شهادة المحاماه.. وانه يبى يكون اشهر محامي فالدوله !! .. تم طول الضهر وهو يفكر لين خلاص ركزت الفكره ومستحيل حد يغير رايه او يثبطه عن اللي بيسويه.. ويوم اذن العصر سار واتيدد وطلع ويا ابوه المسيد وهم رادين خبره بكل شي ..
بوعلي: (يبتسم)هذا قرارك؟
علي: هيه نعم..
بوعلي: شو اللي دفعاك انك تتخذه؟ ماحيدك تبى الدراسه..
علي: ماعرف يابويه.. بس ياني شور اني ادرس حقوق واستوي محامي.. حبيت ها الفكره..
بوعلي: والجامعات اللي هنه بلاهن..
علي: ابا ادرس برع.. ابا شهاده معتبره..
بوعلي: (وهو يتنهد) خلاص ياوليدي اللي تباه بيستوي.. (ويحط ايده على جتف علي) وانا ماببخل عليك بشي.. بس مب يعني تروح عنا بعيد خلاص اسوي اللي يحلالك او تهمل دراستك..
علي: ماعليك.. انا لو احيدني بهملها جان مافكرت بالاساس اني ادرس..
بوعلي: كفو يا علي.. اباك تبيض ويهي جدام الخلق.. اباك ترد بهاذيج الشهاده اللي ترفع الراس .. اباهم يزقروني ابو المحامي.. وانشالله عقب ابو القاضي..
علي: انشالله يابويه.. (ويبتسم ...)

ـــــــــــــــ في العين...
في حجرة الضيوف..
مريم: يلا فطوم انا بظهر .. بسرعه لبسي عباتج..
فاطمه: انزين لحظه ..
مريم: وياراسج من متى يتريونا..
فاطمه: يلا انزين تحركي..
مريم: نقابج وين..
فاطمه: مابا.. تحيديني مادانيه يعور عيوني..
مريم: يالله .. الله واكبر عليج..
فاطمه: والله مريوم يغصصبي .. الغشاه اهون..
مريم: يلا انزين يلا..
وفالمرر..
موزه: يلا شو تسون ها الكثر..
مريم: هاي سبالوه لين تتسحى ..
موزه: يلا انزين احمد من متى يالس يتريا..
فاطمه: احمد بيودينا!!
مريم: حمدي ربج يوم حد تيمل فيج وطلعج.. ها نصور وين بيسير عني..
موزه: اييه ما اسمح..
مريم: والله احيده قايل بيحوطنا هب يفرنا بيت عموه ويسير هو يحاوط العزب..
فاطمه: خليه يريح ها اليومين ويعقنا على عيال عموه.. ان مادوخناه باجر فبوظبي..
موزه: هاهاها حرام عليكن .. مايرزا عليه..
ويوم وصلن الصاله..
لطيفه: ها خلصتن .. يلا انسير عيل هدانا نرد على المغرب..
احمد: انا بوطيكن فالمول وبسير الجامعه..
لطيفه: يصير خير يلا روحنا..
ويوم وصلو العين مول نزلهن احمد وسار هو يلحق على كلاسه.. وعقب دشن وتمن يحوطن..وبعد فتره ردلهن احمد ودق لامه يتخبرها عن مكانهن وسارلهن..
احمد: ها ماشبعتن حواطه..
مريم: يالله بعدنا ..
احمد: ماشالله عليج بنت خالي كل ها الاكياس وبعدج ..وانتي فطوم ماشوفج قابضه شي..
فاطمه: ماعيبني شي..
احمد: وينها اختفت امايه وموزه..
مريم: هنه داخل .. فنكست..
احمد: وجيه موقفات برع .. دخلن يلا..
مريم: نترياك..
وهم يمشون صوب الحريم..كان احمد يسولف ويا مريم ويوم لف صوب فطوم شافها بعيد عنهم عند الكسسوارات..
مريم: هاذن ها..
احمد: ها امايه بعدكن؟
لطيفه: جيه انته مستعيل ..
احمد: لا ابدن.. بس من متى انتن فالمول بسكن.. بيأذن المغرب..
موزه: انا تعبت ماروم خلونا نرد...
وسارن يحاسبن عشان يروحون واحمد سار صوب فطوم ..
احمد: ها فطوم..
فاطمه (وهيه ترفع راسها): شوو..
احمد: من دشيتي المحل وانتي واقفه هنه عند ها اللعبان.. ماعيبج شي..
فاطمه: ممم لا.. نكست راس الخيمه ينزل اكسسوارات احلى..
احمد: مايحتااي.. راس الخيمه.. ترا بضاعتهم عقب ماتنزل كل الامارات ويشرونها الناس ويتم فايض منها ودوها الكم ..
فاطمه(اطالعه باستخفاف): الحريم ظهرن.. (وروحت عنه)
احمد: اخ ويهي.. (ولحقهن)
وهم مروحين تلاقف احمد ويا سالم وسار يسلم علييه..
مريم (وهيه تصاصر فطوم): الحقي فطيموه.. ريل نووره هكوه..
فاطمه: وين؟؟؟
مريم: هاكووه هاا .. ويا احمد..
فاطمه: وشدراج انتي؟
مريم: ترااه شفت صوره .. مطرشتلي الالبوم مال ملجتها ويا حمدان..
فاطمه: ولييش ماتقوليلي هااا؟ والله خاطري اشووف الالبووم..
مريم: انزين بس سكتي .. شوفي بالطبيعه احسن..
فاطمه: مريووم.. جمييل ماشالله عليييه..
مريم: سكتي بتفضحينا.. بس لاطالعين صوبهم .. خلينا نلحق بعموه وموزه..
وردوا البيت ونزلن كلهن ودخلن البيت اما فطوم تلعوزت وياجوتيها مارامت تفج خيوطه ويلست على الدري عشان تبطله.. احمد يوم شافها نزل من سيارته بسرعه وسار صوبها حس انه الوقت مناسب عشان يعرف شو فيها!
احمد: مارمتيله؟
فاطمه: امبلا رمت..
احمد: هيه زين..
فاطمه: مب توك بسير عند ربيعك شله نازل؟
احمد: فطوم انتي شو يايينج عليه؟ ليش منجلبه جيه مره وحده؟
فاطمه: مافيني شي ..
ويوم خلصت من معابل جوتيها وقفت عشان تروح وعطت احمد ظهرها وروحت.. بس هو يودها من ايدها ..
احمد: حوو.. انا ماخلصت رمستيه..
فاطمه: احمد فجني..
احمد: مابا..
لفت فاطمه صوبه وهيه تحاول تشر ايدها من ايدها بس ماقدرت.. وفها اللحظه رن الموبايل اللي فشنطتها..
احمد معقد حياتها: اميلج تيلفون؟
فاطمه: احمد فج ايدي..
احمد: فاطمه تيلفون منو اللي عندج؟
فاطمه وهيه صدق متنرفزه: تيلفون ربيعي عطاني اياه عشان ارمسه دووم فأنصاف الليالي..
فج احمد ايد فاطمه وهو منصدم ومب مستوعب بعده لهجة فاطمه وطريقة رمستها وياه.. تم يطالعها بنظرات ..وفاطمه بروحها تمت زايغه كيف ها الرمسه تظهر منها لا وجدام احمد.. لف احمد عنها..وروح .. فاطمه تمت اطالعه لين ظهر من البيت .. مارامت تستحمل ها الموقف دشت البيت وسارت على طول الحجره اللي يرقدن فيها سكرت الباب بقو وتمت متاكيه عليه وهيه مغمضه عينها وتتنفس بسرعه..كانت مريم داخل الحجره ترتب اغراضها اللي شارتنهن وعقدت حياتها وهيه تشوف فطوم...
مريم: شوبلاج..
تحركت فطوم وعقت بعمرها على الشبريه وتمت اتصيح..
مريم: فطوم بلااااج.. ليش تصيحين؟
فاطمه: مريووم خلونا نروح .. بس ماروم استحمل اكثر من جذيه..
مريم: ليش شو استوى..
فاطمه: احمد..
مريم: يا الغبيه اصبري وبتعرفين كل شي عقب.. الصراحه ها اليومين عجبتيني فتطنيشج له..
فاطمه: (وهيه تفر شنطتها صوب مريم) سويت لعمري مشكله بسبة ها التيلفون.. خذيه من شنطتيه ماباه..
مريم: فطوم مب فاهمه تراني شي..
فاطمه: دق التيلفون وانا كنت ويا احمد برع.. ويوم قالي تيلفون منوه.. عاده هو قالها بلهجه كلها شكوك..
مريم: واقول ليش تأخرتي خاري.. زين كملي..
فاطمه: المهم انقهرت منه وقلتله انه تيلفون ربيعي ..
مريم: شوو.. شو ها الرمسه بعد فطووم..
فاطمه: شو اسوي قهرني.. نظراته كلها اتهام.. وعقب روح عني من غير حتى مايعطيني فرصه اني اتأسفله..
مريم: يالله يافطوم خربتي كل شي الحينه.. يوم بيي فليل قوليله انه تيلفون امج ..
فاطمه: ماليه ويه اجابله..
مريم: بعد انتي الله يهداج بعدني مب مصدقه انج استقويتي وقلتي ها الرمسه .. والله لو قايلتنها جدام علوه جان صطرج بكف..
فاطمه: ونظرات احمد بروحهن كمن كف..
مريم: حليله.. اكيد محرج الحينه وبيموت من الغيظ..
فاطمه(وهيه تقوم): مريووم ..عطيني التيلفون..
مريم: توج ماتبينه..
فاطمه: هاتيه..
مريم: اندووج..
فاطمه: والله خايفه عليه.. والله انه خبله ظهر من البيت وهو مطير سيارته..
مريم وهيه يالسه حذالها: تخافين عليه..
فاطمه: هذا سؤال..(وادق لاحمد ).. مايرد.. ياربيه مريووم مايرد ..
مريم: دقي بعدج..
فاطمه: .... بعد مايرد..

__________________


http://www.shbab1.com/2minutes.htm
امحوا ذنوبك في دقيقتين

الطليان

رد : قصه اماراتيه تهبل
ـــــــــ احمد يوم ظهر من البيت كان منفعل من الموقف اللي صار.. كيف اتجرأت فطوم ورمسته جذيه.. فطوم من مده مب مسوتله سالفه وعايفه السوالف وياه.. والحينه عندها تيلفون وقالتله من ربيعها.. معقوله صدق؟ احمد بدى الشك يدخله.. وبدى يربط الاحداث مع بعضها وقال اكيد فحياتها شخص ولا مابتعاملني جيه.. رن التيلفون كمن مره حذاله ولا رد عليه ولا شاف الرقم اصلن.. تم يحاوط فالشوارع مب عارف وين بيسير.. مب عارف عند منو بيعق همومه.. سار صوب عزبتهم ولقى الشواب وخاله وخوانه وعيال عمومته كلهم هناك.. سلم عليهم وسار صوب الميلس تم يالس شويه لكن الضيجه بعدها .. دخل الحجره اللي حذال الميلس وشغل المكيف وطاح على الشبريه.. تم يراجع ويا نفسه الاحداث والمواقف اللي جمعت مابينه وبين فطوم من بدى يحس صدق انه يحبها.. يحبها بكل ما للكلمه من معنى.. يحبها ويعشقها ومستحيل حد ياخذ مكانها فقلبه فها الكون..ياترى ليش تغير تعاملها وياه ليش تغيرت نظرتها؟ صدق تحب حد ولا حست بحبه الها اخيرا؟؟
فاطمه يأست من كثر ما ادق وهو مايرد عليها.. تمت زايغه عليه.. تمت تمشي ساير راده فالحجره واطالع من الدريشه اذ يا ولالا.. ويوم سمعت صوت سياره ركضت للدريشه..
فاطمه: مريووم يا يا..
مريم اتي صوبها: منو اللي نازل..
فاطمه: اووه.. ها عبيد..
مريم: انا بسير ارمس عبيد.. بتخبره عن احمد..
فاطمه: لااه وان سألج ليش؟
مريم: مايهمج انتي بييبها انا..
وطلعت مريم عنها..وتلاقفت ويا عبيد وهو داش ...
مريم: هلا ولد عمووتي..
عبيد: اهليين.. ماشالله مستقبلتني..
مريم: شفت عاد.. جييه الشباب وين؟خالي وابوك وين؟
عبيد: كلهم فالعزبه..
مريم: وشله ياي انته من وقت..
عبيد: بسير ويا ربيعي المول..
مريم: هييه.. مساعه نحن سايرين..
عبيد: منو مودنكم .. احمد؟
مريم: هيه منو بيتيمل فينا غيره..
عيد: زادنه ياي العزبه وهو مدوش..اكيد صدعتبه..
مريم وهيه شاقه الحلج: لاا والله.. هو فالعزبه يعني؟
عبيد: هيه قبل شويه ياي..
مريم: هيهيهي مشكوور ولد عمووه.. (وويهت عنه صوب فطوم)
عبيد: مريووم يمدحونه العقل.. خيبه تأخرت الحينه بيي الريال.. (وسار فوق)
مريم وهيه تدخل الحجره..
مريم: ما قلتلج بييبلج الخبر..
فاطمه: قولي بسرعه ويينه..
مريم: كم تعطيني؟
فاطمه: مريووم عن الطفاسه قولي.. الله يخليج..
وخبرتها مريم كل شي قاللها اياه عبيد..
فاطمه: بس ليش مايرد؟
مريم: يمكن مضيج منج..ومانتبهله يوم يرن..
فاطمه: شدراني..
مريم: خلاص دام اطمنتي خلينا نسير عند عموه وموزه.. مب حلوه انتم متفيزرات فالحجره..
فاطمه: ماروم اسير.. يدوبي اتسبح وعقب اصلي.. انتو زقروني يوم العشى
مريم: اوكيي.. انا بسير

ـــــــ في العزبه.. دخل ناصر على احمد الحجره.. وشافه طايح على الشبريه وهو محطي ادينه ورا راسه...
ناصر: بلااك ؟
احمد: ماشي.. تعبان شويه..
ناصر: من اشوه.
احمد: مصدع من الجامعه..
ناصر: هيه حليلك متى بتخلصون؟
احمد: خلاص الاسبوع الياي تبدى امتحاناتي..
ناصر: هييه.. زين عيل ..انزين انته بترقد هنيه اليوم..
احمد: يمكن مادري..
ناصر: انزين قم يالله الاذان اذن تراه..
احمد: انشالله..
وطلعوا مشي سايرين صوب المسيد اللي حذال العزب.. ويوم خلصوا صلاه ردو العزبه وكلن ركب سيارته وروح.. بس احمد تم وسار صوب سيارته وياب التيلفون ورد الحجره.. عق كندورته عنه وطاح على الشبريه .. تم يطالع تيلفونه..
احمد: خيبه منو داقلي ها الكثر؟ها رقم سالم.. مرتين داق.. وها.. مال منو.. اول مره اشوف ها الرقم..
ودق على الرقم... اول مره محد رد عليه لانه فطوم فها الوقت كانت تصلي.. ودق مره ثانيه..
فاطمه: استغفر الله العظيم.. محد يروم يصلي.. (ويوم زخت التيلفون شهقت) امييه دق.. شو اسوي ارد ولا لا..
تنهدت بكل يأس واغلقت التيلفون وعقته على الشبريه وردت تكمل صلاتها...

ــــــ بالباجر الصبح رد احمد البيت وسار حجرته يسبح عشان يسير الجامعه.. وناصر قال لاخته انهم بيروحن الحينه بس طبعا هيه رفضت وحلفتله يتغدون عندها.. والضهر كان عند احمد بريك فرد البيت .. وعقب الغدى تموا يالسين فالصاله كلهم ماعدا فطوم..
لطيفه: عيل وينها فطيم؟
مريم وهيه اطاالع احمد: داخل الحجره..
ناصر: سيري زقريها .. يلا بنروح..
مريم: انشالله..
عبيد: يالله جييه تروحون.. ماشبعنا منكم..
ناصر: شو نسوي ورانا اشغال..
ويوم سارت مريم عند فطوم..
مريم: شله يالسه بروحج..
فاطمه: احمد وياهم؟
مريم: هيه..
فاطمه: مريوم.. ابا اعتذرله بس مالي ويه..
مريم: انزين..
فاطمه: دخيلج مريوم.. رمسيه.. فهميه ..
مريم: مااابا..
فاطمه: الله يخليج.. مب انتي مشاركتني من البدايه.. كيفج كملي ويايه..
مريم: اف منج.. انزين.. شو اقوله؟
فاطمه: اندوج التيلفون دقيله ورمسيه عني..
مريم: ........
فاطمه: الله يخليج..
مريم: اوكي... (ودقتله مريم وفطوم لاصقه حذالها)
احمد: الوو..
مريم: احمد ..
احمد: (وهو يظهر من الصاله) منو؟
مريم: احمد انا مريم..
احمد: انتي اللي داقتلي امس؟رقمج ها؟
مريم: لا.. فطوم كانت داقتلك..
احمد: شو تبغي.
مريم: احمد ومن غير مقدمات.. ترا فطوم تبى تعتذر منك.. ومالقت غيري ايرمسك.. وتقولك ماكان قصدها .. وهيه خبرتني بكل الموقف وانته وياك الحق انك تزعل منها بس تراها غبيه ماتعرف ترمس فسامحها (هنه فطوم دحنت مريم ع ظهرها)
احمد: هه.. ومن قال اني زعلان.. والله كيفها جان تبى ترمس بليس بعد..
فاطمه اطالع مريم وهيه امبحلقه بعيونها ..
مريم: احمد حرام عليك.. ماسمحلك انك تشك فيها..
احمد: عيل هاي رمسه تقولي اياها..
مريم: المهم ماكان قصدها.. وترا التيلفون هذا مال امها.. عطتها اياه عموه عشان ترمسنا وقت ماتبى..
احمد: اها.. وليش من البدايه ماقالتلي..
مريم: انته الله يهداك بعد موقفك ماصخ.. مالك حق انك تشك فيها.. هيه اضايقت من طريقة سؤالك... وانته ماعطيتها فرصه تفهمك على طول روحت..
احمد: خلاص مريوم حصل خير..
مريم: اوكي عيل بباي..
احمد: صبري صبري.. ماتبا ترمسني.؟
مريم: لالا مب زين.. خلاص دام انكم اتصالحتوا مايحتاي ترمسون بعض.. يلا باي (وبندت فويهه)
فاطمه: ليش ماعطيتيني ايااه؟
مريم: بس جذيه نحاسه.. جان رمستيه يوم هو دقلج امس.. حد قالج ماتردين عليه خلاص..
فاطمه: انزين يعني مب زعلان؟
مريم: ماظني..
فاطمه: فديت قلبه.. والله اني سخيفه يوم خذت بشوركن انتي وشموه.. شو بيستوي عليه لو تميت وياه نفس قبل؟
مريم: رووح عمي.. احسن جذيه.. واحس الخطه ماشيه عدل..
فاطمه: كيف يعني..
مريم: اول شي لاحظتيه طبعا انه تم مضيج يوم كنتي طابتنه.. وثاني شي هاذوه تبين لج انه يغار عليج.. وماتهونين عليه وسامحج..
فاطمه: انزين يلا قومي خلينا نطلع..
مريم: هيه صح عمي قال انه بنروح الحينه.. يلا خلينا نلبس عبينا..
.... احمد من عقب ماسكر عن مريم وكأنه هم وانزاح عن صدره..ورد يلس فالصاله ويا الجماعه وهو متغير 180 درجه دخل عليهم وهو شاق الحلج ومستانس عكس ماكان عليه قبل كمن دقيقه..وعقب ين البنات..دخلت اول مريم ووراها كانت فاطمه تمشي وهيه موخيه او تحاول انها ماطالع احمد.. بس غصبن عنها يت عينها فعينه وابتسملها ابتسامه كلها شووق ووله خلت خدودها يتوردن كانت طايره من الفرحه بس حافظت على رزانتها فالموقف ومابادلته باي ابتسامه..
ناصر: موزه حطيتوا الشنط فالسياره..
موزه: هيه ..
ناصر: يلا عيل ابطينا..
بواحمد: يالله بتخلون الدار خلا علينا..
ناصر: شو نسوي عاده.. (وقام)
احمد: فحفظ الرحمن.. ماروم ع دقة الشمس..
ناصر: حليلك يا بو دقه.. يلا فمان الله..
وقاموا كلهم ووقفوا عند باب الفله ماعدا احمد اللي تم يالس فمكانه وهو سرحان وغرقان فالتفكير..مانتبه الا يوم شاف فطوم راده وسارت صوب حجر الضيوف.. اول ماشافها لحقها..كانت هيه داخل الحجره ادور الـhand bag.. وهو تم واقف عند الباب وهيه مب منتبه لوجوده ..
فاطمه وهيه مجتفه ادينها: ياربيه وين عقيت الشنطه انا.. يوم اندق لاحمد كانت هنه.. افففف (وتمت تفج السدد وماحصلتها ويوم وخت تحت الشبريه) اخيراا لقيتها.. حليلي كنت بليا حاسيه بسبته..
وحطتها على جتفها ولفت تبى تظهر...واحترق ويها اول ماشافت احمد..
فاطمه: احمد..
احمد: لا قرينه..
فاطمه: هييه.. زين ممكن اطلع..
احمد وهو يحط ايده على حد الباب عشان فطوم ماتظهر..
فاطمه: بتأخر وبيحرج عمي..
احمد: براايه..
فاطمه: اووكي.. (كملت دربها لين الباب ووخت من تحت ايد احمد وظهرت)..
احمد: هاهاها يا الدقمه.. صبري..
فاطمه (تلف على احمد وتمشي على ورا): شوو..
احمد: وقفي لاتمشين..
فاطمه: انزين شوو..
احمد وهو يقرب صوبها: ابا اتفااهم ويااج فواايد اشيا.. وادري انه الحينه مب وقته.. بس بدقلج فليل على التيلفون اللي عندج.. انزيين..
فاطمه: .. مادريبك.. بشووف .. يلا بااي هاكيه مريووم اتزاقر.. (وركضت عنه)
احمد: يعلني افدااج ..
و برع..
مريم: يلاا فطووم شو تسوين ها الكثر..عمي فالسياره
فاطمه: لين دورتها.. ولقيتها..
مريم: نسلم علييج عمووه..
لطيفه: فدييتكن.. يعل الرب حافظنكن..
فاطمه: فداعة الله..
وسار سالم وياهن لين السياره..
سالم: سلميي انزين مريووم..
مريم: وياويهك.. بفكر.. يلا بند الباب..
وتمو موقفين برع لين ظهرت سيارة ناصر من البيت.. وردوا كلهم دااخل..
عبيد:اماايه مالنا خص.. نهااية الاسبووع بنسير راس الخيمه..
سالم: هيه امايه كيفكم جان انتوا مابتسيرون بنسير نحن بروحنا ويا الدريول..
بواحمد:يالله ياعيالج.. ميتين على الشمال.. شو تسوون هناك ثركم؟ الا نفس هنيه..
عبيد: هنااك غير.. ربشه ويووله.. بقعتهم ماتنمل.. خوالي كلهم حذال بعض .. هب نحن كل حد فمكان..
بو احمد: شو نسوي عاده .. الا احمد وينه؟
لطيفه: جنه الا سار حجرته...
وبالفعل كان احمد فحجرته من عقب ماروحت فطوم عنه.. قال بيرقد ساعتين يرتاح فيهن شويه عشان يرد الكليه العصر..

ــــــ في راس الخيمه..
العصر كان علي ويا سعيد يحوطون فالمنار..
سعيد: ماتخيلك محامي... هاهاهاها شكلك غلط بيكون..
علي: وياها الويه... بدال ماتشجعني..
سعيد: فديت خشمك .. فالك طيب.. بييبلك خالد حريه يشجعك بعد شو تبى..
علي: عن السخافه الزايده سعوود..
سعيد: اانزيين.. دخل ها المحلات تشرالك جنزات وقمصان ..
علي: فكني ياخووك من ها السالفه.. لاحق على المشاري .. انسير الكوفي ريولي عورتني من المشي..
سعيد: انزين اقولك.. محمد ماخذله شقه فمصر؟
علي: هيه.. وياه واحد من اهله بعد يدرس هناك..
سعيد: يحيهم.. بس محمد ريال والنعم.. راعي فزعه..
علي: ماجد سولفت وياه .. بس دووم صبووح يطريه ..
سعيد: لاازم..كان مطيح عندهم فدبي ولا يفارج..لين روح محمد مصر..
علي:حلييلك يا صبيحي.. دقله خله ايي عندنا .. ولا اييك شوور.. خلنا نروح نحن من هنه.. مادري شو يايبنا نحن هنه..
سعيد: يلا انزين.. ماندرابه وين مطيح عاده هوه ها المره..
وعقب مادقوا لمصبح قالوله اييهم ميلس قوم علي فالعزبه.. وتيمعوا كل الشبيبه هناك واللي يالس يسولف واللي يالس يلعب ورقه واللي يلعب سوني...
مصبح: شو يااخي تقص علينا انته.. خلااص مغلووب ترااك سلم القير..
سعيد: شوو مغلووب قلتلك تضرب ستارت .. مالي خص عيد..
عبدالله: يلا يلا قم..
مصبح: ويينه ها القاضي .. هاا علووه منو الفايز هب انا..
علي: ذليتوني ياخي.. بس ارحموني..مره قاضي ومره محامي..
مصبح: انزين خذ القير عنه ها اللي مايعرف يلعب..
سعيد: وياويهك.. دووك هاا.. اصلن القير مجيم .. انزيين..
مصبح: رووح عمي رووح.. لاتتعلث تراك مغلوب..
سعيد (وهو يقوم): وين غترتيه..
علي: جييه وين ناهي؟
سعيد: بسير الدكان.. خاطريه فديوو.. نشفلي ريجي صبووح..
مصبح: انزين سر قو قلبك ورد عشان نلعب مباراه ثانيه وتنهزم فيها..
سعيد: هاهاها انزيين..
وروح عنهم سعيد وركب سيارته وطر على المسجل طر.. وسار الدكان وخذاله الديو وعقب رد.. كان ياي بيدخل الميلس... وسمع صدعه وحشره عند الشباب ورد ركب سيارته وسار فوق النقى وتم يالس هناك .. سرح في تفكيره.. قعد يتخيلها ويذكر هاذيج الليله.. مريم كانت دووم فباله ومانساها من اول ماشافها.. خذت كل تفكيره وصار همه انه يشوفها او يلتقي وياها ولو بالصدفه.. صح كان يحس انه يتعدى على حقوق ولد عمته بمجرد انه يفكر ببنت عمه!!و حاول انه يجاهل مشاعره.. ينساها.. بس بالرغم من ها كله ماقدر .. ماقدر يمنع نفسه ولو للحظه انه مايفكر بمريم ..
سعيد بطيبعته قلبه رهيف وملياان كله حب وطيبه وحنيه..ومع ذلك ماتصور فيوم انه بيحب انسانه بها السرعه .. ماتخيل انه بيحب انسانه كان يوصفها بالمتكبره ايام ماكانوا صغار.. ماتخيل انه مريم هيه بتكون حبه العذري وقلبه وروحه وكل شي .. لكن هذا اللي صار.. فعلن سعيد حب مريم بصدق وكان يتألم بمجرد التفكير انه ممكن علي يبغيها ..كان فخاطره يخبره علي بمنو يفكر قبل لا يتعلق هو باهوام اتم تعذبه طول عمره...
ودقه الهوى وقام يشل .. صبرك علي شوي.. يابونظر وحشي..لاتجرحه القلب من عقب اذا تم شي..لاتتركه جييك..ياسيدي وابغيك..لاني انا اغليك..وانته معي كل شي.. فييييك الرجا مظنون.. ياسيدي المظنون..تسوى نظر العيون.. وفي داخلي تم شي.. سااعة لقااك اتم..بين الصحه والحال..تدري نعم تعلم..شوفك لي يشفي.. ابااك عنديي دووم..لاترووح عني يوم..عقبك اعاف النووم..ابكي عليك ابكي..
(ياويييل حالي انا وياعذابي منج ياغزالي.. متى الله بيفرجها عليه .. لازم اعرف اذ علي يباها ولا لا.. مافيني احلم واايد... ) سعيد فخاطره...ويدقله علي..
علي: وينك انته حوو.. ها الكثر اتيبلك ديوو..
سعيد: هاا.. لا انا هنيه فوق العرقوب..
علي: ياحافظ عليك.. يلا انزل بسرعه ... ابا ارد البيت
سعيد: انزيين رد.. ياخي ها المكان يردلي روحي مابا اروح الحينه..
علي: لاوالله..ناسي حضرتك انك ساحبني وياك بسيارتك
سعيد: اندووكم.. نسيتك يابووك.. خلاص الحينه بيي..
علي: يلا بسرعه..
ورد سعيد الميلس..

__________________


http://www.shbab1.com/2minutes.htm
امحوا ذنوبك في دقيقتين

الطليان

رد : قصه اماراتيه تهبل
ـــــــــــــــــ في بيت بوحمدان..
كانت شما يالسه ويا امها وخوانها فالصاله عقب المغرب.. سرحانه فتفكيرها.. كان خاطرها تعرف عن علي شي ولكن اللي اييبلها اخباره محد ها اليومين ..ودها تعرف ردة فعله يوم ماانقبل فكلية الشرطه لانها اكيده من انه بيضايج وهذا اللي مخلنها هيه بعد تضايج ..
ام حمدان: شما امايه قوومي دقي لابوج طالعيه متى بيي..
شما(كانت تلعب بقصتها وهيه فدنيا ثانيه وماسمعت امها شو تقول..)
ام حمدان: شماا..
شما: هلا امايه..
ام حمدان: وين وصلتي..
شما: هاا .. كيف..
حمدان: وياشكلج امايه تأمرج وتسوين عمرج مب سامعه..
شما: والله ماسمعت.. امايه شو بغيتي..
ام حمدان: سيري دقي لابوج.. تأخر واخوج تعبان ..
شما: (معقده حياتها) منوو اللي تعبان..
حمدان: امايه بنتج مب صاحيه تراها..
ام حمدان: دوم قافله على عمرها الحجره لازم مابتعرف شو يستوي فالبيت..
نوره: حليلها استلموها.. يلسي شموه انا بسير ادق لابويه..
خلفان: يالله حليلي انا محموم من اصبحت وماتدرين عني..
شما: ........ (قافطه)
سلطان: كله تيلس على الكمبيوتر لازم مابتعرف شو يستوي هنيه..
حمدان: هيه امايه شلوه من حجرتها مب زين ترااه ها الانترنت..
شما: امايه خلي عيالج يطبون حلوجهم..
ام حمدان: انزين انتي امايه مستويه ماينعرفلج.. شياج كله مزبنه فحجرتج.. ها من ادمانج على الانترنت..
شما: والله امايه اني ما مادش واايد.. ساعه ساعتين بس..
ام حمدان: عيل بلاج غناتي..
شما: مادري امايه...... (ملت من الوضع..) اسمحولي بسير فوق..
حمدان: مب جنه ها المحاضره كلها عن يلستج بروحج فحجرتج..
ام حمدان: اسكت انته عنها..
شما: وييو قفطوه.. (وسارت عنهم..)
نوره: ليش وين ساايره؟
ام حمدان: بترد لجحرها..
نوره: هاهاها ها كله من تأثير غياب فطوم عنها..
سلطان: عيل انتي ليش ماستوالج شي.. ترا مريوم بعد محد..
حمدان: لا هاي عرست خلاص..
نوره: لاوالله واللي تعرس تنسى ربعها..
سلطان: هيه من زمان ماقلتي لامايه انج تبين اتسيرين عند مريوم..
نوره: ييه سوولي تحقيق..امايه بلاهم عيالج علينا اليوم..
ام حمدان: هاهاها شدراني..
نوره: خلصو من شما ويو عليه..
ام حمدان: انزين قوليلي شو قالج ابوج؟
نوره: الحينه بيي..فديت خلووف .. لو مودينه الصبح جان اجديتوا.. مابزيد عليه جذه..
ام حمدان: عطيته ادول ونزلت عنه الحمى.. الا الحينه زاادت..
حمدان: اسمع هرن امايه..
ام حمدان: يلا ابويه هاكوه ابوك يا.. نوره طالعن على يزوي ..
نوره: انشالله امايه..
وشلت نوره اختها الصغيره وسارت عند شما تشوف شومستولها..يلست وياشما شويه بس طبعن ماخذت منها لاحق ولاباطل لان شما اذ قالت لنوره عن علي بتحصللها هزبه محترمه من نوره فهيه تجنب ها الشي ...

ـــــ من بعد ماظهروا ناصر واللي وياه من العين ساروا صوب بوظبي.. نزلو في فندق وعقب طلعوا يتعشون فمطعم وفليل على الساعه 11 ردوا الفندق.. كانوا حاجزين غرفتين حذال بعض....
ناصر: مريم اذا بغيتن شي دقلي انزين..
مريم: انشالله عمي..
ناصر : يلاتصبحن على خير..
مريم+فاطمه: وانته من هله..
فاطمه: يالله تولهت على راس الخيمه.. بس خلونا نرد..
مريم: وياويهج مب مال حواطه..
فاطمه: شو نسوي عاده.. ماروم اصبر عن بلادي..
مريم: عيل شو بتسوين يوم بتعرسين..تعودي تعودي
فاطمه: لئيييمه..
مريم: هاهاهاها شو اسويبج..
فاطمه: تعرفيين.. قال بيدقلي فليل..
مريم: متى قاال.؟
فاطمه: تراني يوم رديت اييب شنطتيه تلاقفت وياه... وقال انه يبى يتفاهم ويايه..
مريم: ياااااااي والله الخطه ماشيه عدل.. احس بأجواء اثاره واكشن..
فاطمه: بسم الله عليج.. من اشووه..
مريم: مادري بس وايد متحمسه.. هاهاهاها ..
فاطمه: حسبي الله على بليسج.. زيين ماقلتيلي شو اقووله..
مريم: شو شو تقوليله.. اصلن منو بيخليج اترمسينه..
فاطمه: لييش؟؟؟؟
مريم: يلا اقفلي التيلفون احيينه..
فاطمه: بس ابا ارمسه..
مريم: جب يلا اسمعي الرمسه احسلج..
فاطمه: افف..
مريم: احسن ياغبيه خليه يتخبل شويه..
فاطمه: انزيين انزيين.. والله اذ عصب بقوله انج انتي ماخليتيني..
مريم: عادي مايهمني.. انزيين بقوولج اول امس يوم كنتي برع ويا احمد واستوت الضرابه ودربد دربد.. منو اللي طلع متصللج؟؟
فاطمه: اتصدقيين.. ولا يا على بالي اشوف منو دااق..
مريم: شوفي المكالمات المستلمه..
فاطمه: مم صبري.... غرييبه علي دااق!!
مريم: ليش شو يبغي؟
فاطمه: شدرااني.. يمكن يتحرى التيلفون عند امايه..
مريم: يمكن..
فاطمه: انزين خلينا نرقد عيل هلكانه من التعب..
مريم: هاتي التلفون .. ينخاف منج..
فاطمه: وياشكلج والله ما برد علييه.. (وتفره عليها) اندووج هاا
مريم: هيهيهي يلا تصبحين ع خير..
فاطمه: وانتي من عياله..
مريم: لاوالله.. عبيطه..تعرفين فطووم يايني حفز..
فاطمه: من اشووه بعد؟
مريم: من الجامعه..
فاطمه: انزين بعدج..
مريم: ماشي باقي..
فاطمه: يلا انتي خلي عنج ها الخرابيط.. اسمج ظاهر فالهندسه عليج اجدين من اول شي..
مريم: ادري.. بس زايغه.. وايد اسمع رميسات عن الجامعه والبنات فالسكن..
فاطمه: توكلي على ربج انتي.. وطالعي اول اسبوع ان ماعيباج الوضع حولي على جامعة الاتحاد ولا عيمان..
مريم: على الله..
فاطمه: يلا بسج هذربان ..
مريم: انزيييييين..
وفطوم فها اليووم رقدت وهيه قريرة العين ومطمنه وافتكت من الكواابيس اللي مافارقنها من ايام.. اما مريم محد يدري بحالها غير ربها........

ـــــــ عقب اسبوع ردوا قوم مريم راس الخيمه من بعد الحواطه .. طبعا مريم اشرت نص اغراضها للجامعه من بجايم وتيشيرتات وبدل وبديات وبناطلين..وفصلتلها عبي ووقي فحناين .. وخلاص العد التنازلي بدا بالنسبه الها .. بقالها اسبوع تقريبا وبتسير الجامعه..و بتتعرف على عالم يديد.. وتختلط ببنات .. وتتعرف على ربع يداد.. بتعيش حياه جامعيه وبتقضي خمس ايام اسبوعيا فسكن وحرم جامعي بعيد عن بيتها.. طبعا مريم وفاطمه عرفن عن قرار علي بالدراسه برع بعد ماين.. وخبرهن بكل شي.. اول شي ماصدقن وعلي تم يضحك على اشكالهن وهو يخبرهن.. فطوم حست بضيجه من فكرة انه اخوها بيبتعد عنهم وحاولت من علي انه يراجع نفسه وطبعن علي تم مصر على رايه و فالاخير اقنعهن مثل ما اقنع امه وابوه وكل حد.. بالنسبه لشما اول ماعرفت الخبر فجتها مناحه.. ماكانت مستوعبه الامر.. ومب قادره تتخيل انها خلاص مابتشوف علي الا من فتره لفتره.. حست بالضياع والكآبه والضيجه وفالاخير هيه بعد رضخت للواقع خلاص..وفطوم كل يوم والثاني تزن على شما تباها اتيهم لانها هيه كانت اخر مره سايره بيتهم.. ويتها شما فها اليوم على العصر.. حبن انهن يظهرن خاري فسارن صوب الزراعه ويلسن..
فاطمه: انزين انتي ليش مضايجه؟
شما: ليش انزين يدرس برع.. الجامعات ترس هنه..
فاطمه: ياربيه منج .. شو تبيبه انزين انتي يوم هو مب مسولج سالفه.. طبييه..
شما: فطووم والله ماقدر..
فاطمه: شما لاضايجين بعمرج بعدها الحياه جدامج وانتي من الحينه قمتي تشلين الهموم..
شما: مب بايدي اني ما.....(وسكتت)
فاطمه: انج ما تحبينه..
شما: فطووم والله مادري.. علي لو شو سوابي بيتم غير .. غير ...
فاطمه: والله اني خايفه عليج.. ماباج تتعلقين فيه وايد..
شما: بس انتي لاحظتي من مده وهو تعامله متغير.. قلتلج يوم رمسته عقب نتايجه
فاطمه: علي مزاجي.. يمكن رايق كان هذاك اليوم..
شما: انزين ويوم ييتكم عقب.. ماقام ايي صوبنا ويطنز عليه..
فاطمه: يمكن عقل اخوويه..
شما: انتي ليش رافضه واقع اني احبه وانه ممكن انه يحبني؟
فاطمه: انا مب رافضه ولا شي.. وبعدين وين بلقى احسن من ربيعتيه وغناتي انها تكون حرمت اخويه..بس مادري يا شموه احس غير فيه شي ينفر بينكم..
شما: بس بس سكتي خلاص..
فاطمه: زعلتي.. ؟
شما: وليش ازعل .. عاادي تعودت خلاص..
فاطمه: ......
شما: (تبتسم) انزين وانتي شخبارج ويا احمد؟
فاطمه: ياعذابي شحقه تسأليني..
شما:هاهاها ياويل حالج..
فاطمه: قايلتلج كل شي استوى بعد شووه..
شما: اكيد مفول الحينه.. وياراسج جان رديتي عليه هذاك اليوم جان خبرج كل شي..
فاطمه: عندي وحده مب مخلتني اتصرف.. هاهاها..
شما: مريوم.. هه عاده تحملي اللي اييج من وراها .. تفنتك فكل شي هاي اسميه احمد عيل تخبل..
فاطمه: شدراني.. بس صدق حسيت اني قهرته.. يوم كان يطالعني ولا يرمسني احسه شويه ويبى يصرخ عليه ويسطعني..
شما: والقووم..ها الحب ولوعة الحب..
فاطمه: سيري لاه.. اخافه عقب اييني ويقولي .. بلاج جيه ماترمسيني انتي حسبة ختيه الصغيره وماباج تزعلين مني..
شما: لا اطمني من هاي الناحيه..
فاطمه: وشو اللي يخليني اطمن..
شما: انا اقولج..
فاطمه: انتي ليش جييه باصمه انه يحبني ويباني..
شما: نفس انتي مب حاسه انه علي مايحبني..
فاطمه: ردتنا على طير ياللي..
شما: لا جد جد .. انا حاسه وباصمه بعد جان تبين انه احمد يموت فهواج..
فاطمه: شموه احس اني وايد زوديتها,, حرام كملت شهر تقريبا ماسولفت وياه وخذت وعطيت وياه نفس قبل..
شما: خليه يحس بالشوق..انزين هم مابيوون قريب؟
فاطمه: مادري.. امبونه هو يقولي الاخبار الحينه منو بيخبرني عنهم؟
شما: حليلج..اخبرج قومي انسير داخل الحينه بياذن المغرب..
فاطمه: زين بنصلي وبنسير عند مريوم..
شما: اوكيك..

ـــــــ في العين .. كان احمد راد من الجامعه وهو مضيج شويه لانه كان اخر امتحان له وما حل زين.. سار حجرته وعلى طول شغل النت يبى يعرف نتيجته فامتحانه القبلاني ..لكنهم كانوا مب حاطينها بعدهم.. يلس يجيك على المنتدى اللي مشارك فيه.. تم يطمش على المواضيع يبى ينسى اللي مضيجبه شويه بس قلبه بعده مب مرتاح.. خلاص ماعاد فيه صبر اكثر من جذيه.. فتح ايميله وكتب رساله شطولها لفاطمه..كان كلها عتاب ولوم . يبى يعرف ليش اتجافيه ها الكثر مع انه ماسوى شي غلط .. هو بعده ماقالها عن حبه وهيه جيه تسوي عيل لو قالها شو بيحلبها.؟ ليش ماقامت ترمسه ع المسن نفس قبل.. ليش يوم تشوفه تتهرب منه.. ليش ماترمس وياه.. ليش تحتقره وتستخف به..ليش يوم دقلها ماردت عليه.. ليش وليش مية سؤال كان فبال احمد.. طلع قهره وغصته كلها فها الرساله..وفاخرها حطالها وصله لاغنية (طمني بس )..... انسى الزعل انسى اللي راح..انسى الالم انسى الجراح..طمني بس..طمني بس..طمني بس خلني ارتاح..طمني قول صبري راح..طمني بس..اوعدني لو تغيب .. عن بالك ما اغيب.. اوعدني بالسؤال..لو يعني البعد طال.. اوعدني كلمتين مو اكثر كلمتين..ارضي فيهم حنين.. عمر السنين .. طمني بس..حبيبي .. أنا بانتظار ياحبيبي ..حبيبي..أنا باختصار خايف حبيبي..
خايف غدر الزمان..يطوي الحب اللي كان.. واسمع انك نسيت.. من عمرك انتهيت.. خايف غدر الزمان..ياخذ مني الأمان.. واعيش بعدك غريب في ها الحياه..
تدري الهوى فيه الغروب..وشموع نشعلها وتذوب..صمت وندم.. تدري الكلام له الف باب وبحر السكوت خوف وعذاب والم.. اه طمني بس......
وكتب اخر شي..( ليتج ياالغلا تفهمين وتحسين فيني.....)
عقب ماطرشها طلع من النت وسار يتسبح وظهر من البيت.. تم يفكر فاللي سواه .. خلاص برسالته هاي اكيد بتعرف فطوم انه يحبها.. اول مره يطلع اللي فخاطره الها.. صح ماكتبها الها بالحرف الواحد بس كل كلمه كتبها تبين حبه وعشقه الها.. كان يتخيل ردة فعلها كيف.. يخاف انها تصده..تجافيه اكثر من جفاها الحينه..وحط فباله انها اذ ماردت عليه بسير صوبهم على طول وبتفاهم وياها....

ـــــــ فطوم وشما من عقب صلاة المغرب سارن عند مريم.. وهن فالدرب..
شما: فطووم اخاف حمدانوه ايي..
فاطمه: بيقولوله انا بيت عمي.. يلا دشي..
شما: مريوم وين الحينه..؟
فاطمه: اكيد فوق تعابل فقشراتها ...
شما: حليييلها.. ماشي باقي .. الاسبوع الياي بيروحن..
فاطمه: هيه السبت ..
شما: ورا باجر؟
فاطمه: لا اللي عقبه..
شما: هيه اتحرا.. مشالله عليها هابة ريح من الحينه تجهز عمرها..
فاطمه: لا عيوني هاي مب تجهيزات بعدها الا تقايس بدلها وبجايمها والبناطلين..
شما: هاهاها الله يعينها دومها جيه مريوم .. لازم تسوي تجييك كامل على لبسها...
فاطمه: الا.. اهم شي كشختها.. مب جنها سايره تدرس..
شما: بعد لازم شوية تفنتيكه جدام بنات العرب..
وسارلها حجرتها وفعلن لقنها ترتب اغراضها وحجرتها مجلوبه فوق حدر ..
فاطمه: بوو..
مريم: هبي الساحراات..
شما: فعيينج سااحرات..
مريم: هلاوالله.. خشششمج..
شما: بالمهلي.. وشحااالج؟؟
مريم: بخير وسهااله.. علوومج انتي يا القاطعه..
شما: الحمدلله عايشين..
مريم: قالتلي نوره انج هنه.. قلت بطالع تذكرني وبتي وله..
فاطمه: انا اللي قلتلها اني.. ولا هيه ماكانت مفكره حته اتي تسلم عليج..
شما: يالطفسه.. صح انج انتي اللي قلتي اول بس انا جيه ولا جيه كنت بقولج ادقين الها تخلينها اتينا ولا نحن نسيرلها..
مريم: لالا خلاص زعلت..
شما: بالطقاق...
مريم: (وترفع حياتها) ييه ييه بيتا بيتا
فاطمه: هاهاهاها يابتها..
مريم: (تشق الحلج) مال اول.. يلا انزين شموه برع..بعد فبيتنا وتقوليلي بالطقاق..
شما: هاهاهاها وياها الويه.. خلاص السموحه طويلت العمر..
مريم: هاهاها زين يلسن .. ااخ والله تولهت على ها اليمعه.. امبونا كل خميس عند حد..
شما: هيه والله ... ايام كانت..
فاطمه: والله احلى ايام ..
مريم: خلاص الحينه بتم ذكرى فحياتنا..
فاطمه: من قالج بس بتم ذكرى.. حتى لو الايام فرقتنا بنتم ربع وقلوبنا على بعض ولازم بنتشاوف كل مره..
شما: بتكون صعبه على نوره. خلاص بتعرس قريب..
مريم: انزين اكيد بيتي بيتكم هيه.. اليوم اللي بتي فيه نحن بنتيمع..
فاطمه: وناسيه الجامعه..
شما: انزين فالويكند..
مريم: على الله..
فاطمه: تعرفن شو اتخيل الحينه؟
شما: شو ..
فاطمه: اتخيلنا انا وانتي كيف بنغدي فالمدرسه. ويه شموه بيكون شكلنا غلط..
شما: صح نسيييت السالفه.. بنتم نحاوط بروحنا؟
فاطمه: وعع امبونا نربش ونخلي نص المدرسه تتيمع عندنا.. الحينه بنتم انا وانتي بس ونحن مب مثل مريوم ونوروه كانن هن الراس ويمعن الكل..
مريم: احم احم اعترفن انكن ماتستغنن عنا..
شما: اخيييه كيف بنتم فالمدرسه بروحنا..
مريم: خلكن تحسن بقيمتنا..
فاطمه: اسميها بتقل الشله..والله بصييح .. ماداني اتم هاديه فالمدرسه..
مريم: انزين زودنها حصوه اختيه بتكون وياكن فالمدرسه..
فاطمه: هيه اظني بعد شواخ بنت خالي .. زين زين شموه بتكون فايدنا الزعامه..
شما: علييهوم يا الربع..
فاطمه: علييهووم..
مريم:هاهاهاها والله فنتكه.. الا اقول فطوم من شواخ هاي؟بنت أي خال؟
فاطمه: بنت خالي حميد.. اخت سعيد..
مريم: اهاا..(وهيه تبستم )
شما: غريبه جيه ماتعرفينها؟
مريم: امبلا لكن ماشوفهن وايد هيه وخواتها.. حصوه اختيه ويااها اكثر..
فاطمه: بالاصل انا ومريوم مب وايد ويا قوم خوالي..
مريم: هيه.. اكثر شي ويا عمومتنا..صح زيارات وها السوالف بس غير احس وبعدين تقريبا كلهم شباب..والبنات يا معرسات ولا صغار ..
فاطمه: لا فيه كبري..
مريم: انزين مانعرفهن واايد .. اصلن ماين هنه..
فاطمه: لاا سلامه مرات اتي..
مريم: بنت خالوه مهره؟
فاطمه: هيه اخت موزه الدبه..
شما: ليش من وين هن..
مريم: الذيد..
شما: هيه صح...لحظه.. لحظه .. رخبصتبي.. كيف خالتج وخالتها نفس الوقت.؟
مريم:هاهاها بالرضاعه..
شما: انزين..
فاطمه: ابسطلج الموضوع.. امايه وامها بنات خاله وخواتهن اللي هن خالاتي وخالات مريوم حد منهن مرضوع ويا الثاني.. وصلت؟
شما: مادري..صبري.. وخوالكن..
مريم: انا ماعندي ولا خال..
فاطمه: خالي حميد اكبر واحد وعقبه خالي يابر..وعقبه امايه وخالاتي
شما: مريوم يعني خوالها يكونون خوالج؟؟
مريم: لااا.. امايه مارضعت من يدتها..اللي هيه خالت امايه..
شما(اعتفست): شوهاا.. مافهمت..وكيف خالاتج؟
مريم: لانهن راضعات من يدتيه..
شما: ساالفه هيه...
فاطمه: بس انزين فكنا من ها السالفه.. اذكر مره تمينا ساعتين انفهم فنوره..
مريم: هاهاها وبعدها لين الحينه تترخبص..
فاطمه: ييه يامريوم اسبووع عيل باجي..
مريم: لازم اتذكريني.. والله احس بزيغه..
شما: افا يا بنت الجامعه ..
مريم: احم احم.. بعدني ماستويت..
شما: خلاص ياباش مهندسه..انتي جامعيه الحينه ..
مريم: لاوالله..
شما: انزين يلا راويني سراريحج..
فاطمه: ويييي مازرتلها شنطتين .. هاهاهاها والله بنات الجامعه جنهن بشاكير
يحملن شنطهن كل اسبوع..وين تبن..
مريم: جب جب .. من شوفج عقب سنتين..
فاطمه: يالله شكاضني ادخل الجامعه ثرني..
مريم: غربلج الله .. ريلج بيكون خرييج جامعه لا وخريج كلية الهندسه وانتي بس تبين ثنويه..
فاطمه: اخ ويهي... جنج اهنتيني واحرجتيني فنفس الوقت..
شما: هاهاهاها عادي عادي ..
فاطمه: انزين انا بكمل فالتقنيه..
شما: ليش احمد يباج اتكملين فالتقنيه ؟
مريم: هيهيهي مايروم يترياها .. قال بقص عليها وبخليها تاخذ انجاز فالتقنيه..
فاطمه: ايييييه وياروسكن شو ها الرمسه بس حشمن.. وايد طوليتلكن..لا ويرمسن بكل ثقه انه هو بياخذني..
شما: عادي سوالف..
فاطمه: بعدين ياحلوه يابنت عمي الانجاز خلااص لغوه.. ابشرج يعني .. فلقطي ويهج..اوااااهع
مريم: وياشكلج..
شما: يلا انزين راويني..
وتمن البنات محتشرات وسوالف ويضه ناقصتنهن نوره بس.. وفليل روحت شما عنهن وردت فطوم بيتهم...

__________________


http://www.shbab1.com/2minutes.htm
امحوا ذنوبك في دقيقتين