المعاااق$$$$قصيييده فزاااااااااع %%%$$$$$

**المَنْاعِيْ** · 10-Feb-2007, 04:31 AM

المعاق..قصيده من روائع ((فزاع))
نشرت هالقصيده في مجلة المختلف
في عدد هذا الشهر

بعنوان

((المعـــــاق))

الصمت نعمه..والتواضع فضيله
والكون له خالق ..وللأرض حكام
والمجد غايه ..والجمايل وسيله
والموهبه للروح تعبير وإلهام
واللي يدور حاجةٍ مستحيله
لابد ما يجزع من النوم لا نام
قدلي ثلاث أيام مانمت ليله
مع ان عيني في سهرها لها عام
لو كنت ادور للبيوت الجميله
شبعت عطاش الورق سيل الأقلام
ماني بمن يكتب لقاله وقيله
او طامع بتصفيق ودروع ووسام
غير ملامح دفتره من مزيله
ياما كتب ميمٍ وياما كتب لام
ان غاب عنك قلت ياعزتيله
وان زاحم الشعار ماسبب زحام
انا لو اكتب لي قصيده خبيله
اصور التعبير تصوير الافلام
اشعل سما الابداع نار وفتيله
وازرع مساحات المعاني بالالغام
واشفي عذابات الكبود الغليله
واغير انشاءات واكسر ارقام
اجيب روس الكاملات الجزيله
صناعتي ماهي صناعات الاعلام
مكانتي فالشرق راس الطويله
وختمي لغا ماكان قبله من اختام
ولا الضعيف ابو البيوت الهزيله
ماهو موصلها ولو يركض اعوام
وحتى الثقيل ابو المعاني الثقيله
يبغاله اربع خمسة سنين قدام
انا كذا مالي مع الشعر حيله
كل ما كبرت اشوف حسادي اقزام
ياهاجسي بوصيك وانت الدليله
رح بلغ اللي عايشينٍ بالاوهام
قل للبخيل اللي يدينه بخيله
ترى حياتي كله عدة ايام
اعط العطا لو كان حاجه قليله
على الاقل يقال من نسل الاكرام
ويادمع خلك فالعيون العليله
بجاه من صلى لربي ومن صام
لا تنتثر على الخدود النحيله
وتهز لك حكام وعيال حكام
حنا عيال العود راعي الجزيله
وحنا ذوي السؤدد ومن لام؟ ينلام
تطول قوايمنا مع كل عيله
وتحنى قوايمنا على دموع الايتام
لا تقول ياحلوه ولا ياحليله
ذولا بشر ربي مقسمهم اقسام
خذا عوافيهم وحصل حصيله
وعطا لهم صبر وتباشير واحلام
قل للمعاق اللي ما تمشي رجيله
الناس بالاحساس ماهي بالاجسام
وترى احاسيس الخفوق النبيله
توصل اللي ماتوصله الاقدام
عجبتني وااااااايد ان شاء الله تعجبكم...