بسم الله الرحمن الرحيم
السلام عليكم ورحمة الله وبركاته
شفت هالموضوع فمنتدى وطبعا لاني احبكم وابي مصلحتكم قلت بنقله لكم
ممنوع الشباب بس البنات قلناا
زين برايك تحمل اللي بييك بس تراني حذرتك^_^
اسمعن يا بنات
اذا طلبتي من اخوج انه يوديج السوق وما طاع لانه يبا يطلع ويا ربعه ولا مواعدهم ومايقدر يتأخر لا تزعلين وقولي له جزاك الله خير ومشكور ماتقصر...
بس طبعا هاليوم مابيعدي على خير تعرفين شو تسوين؟؟ عندج هالنصايح وجربيهن
روحي غرفتج والهي نفسج باي شي
اختاري اي وسيله للانتقام من الوسائل الاتيه ولو تجربينهن كلهن يكون احسن خخخخ
1- روحي لمزيل الروائح مال اخوج قبل مايطلع من الحمام(عزكم الله) وهو متسبح وبطلي الغطاه وحطي فيه استون(مزيل المناكير) وعصير ليمون ورجعيه مكانه.... واظمن لج 100 بالمية ان ايده بيتم رافعنها 24 ساعة وفوق هذ حتى المشي مابيقدر يمشي عدل خخخ
2- سيري عند النعال (عزكم الله ) مالت اخوج اللي دوم يحب يلبسها ..... وكلي لبان والاحسن تاكلين كرتون كامل وطلعي اللبان ولصقيه فالنعال من داخل من فوق ومن تحت ههههههه اسميه بيكره حياته من الخاطر خخخخخ
3- خذي المشط مال الشعر اللي دوم يستخدمه ووغطسيه في ماي ويا بيض ني ...وطبعا الحبيب بيكون طالع من الحمام وكشته كلها ماي كالعادة وبيسير يمشط شعره وعاد شمي الريحة اللي بتطلع من شعره هههه الله يعين اللي ساير عندهم خخخ ...وعاد انتي اونج من كثر الطيبة قوليله ماتباني اسشور لك شعرك بس لاتنسين تسكرين خشمج عشان ماتختنقين خخخخخ
4- شلي التيلفون ماله وتمي لعبي كل الالعاب اللي فالتيلفون الين مايفضي بس لاتخلينه يشوفج ويوم يبا يطلع قولي له سمعت تيلفونك يسوي صوت جنه مفضي !!! اخذ البطارية مال تيلفوني عشان مايفضي تيلفونك ((أونج عاد كريمة خخخخ))
5- خذي مفتاح سيارته ودسيه مكان ..واذا سال عنه قولي انج شفتيه ويا واحد من اليهال اللي فالبيت والاحسن انه يكون عمره اقل من 3 سنوات لانه مابيقدر يصفعه وبيسير بيذل عمره ذل حق الياهل خخخ بس عشان يخبره وين حط المفتاح وانتي عاد فطسي من الضحك من الخاطر بس لاتخلينه يشوفج .... ويوم بييأس بيدق حق ربعه بيقولهم تعالوا شلوني ماعنده غير هالحل خخخ
6-ويوم يبا يطلع سأليه اذا يبا فلوس اونج عاد غنيه خخخ وطبعا هوه بيكون ماله ويه ياخذ من عندج لانه ماطاع يوديج السوق ((الا اذا كان ويهه لوح هذا شي ثاني خخخ))
شين وقوة عين بعد خخخ
7- قبل ما يطلع من البيت خذي مفتاح غرفته بعد مايقفلها ...حاولي تحصلين المفتاح ضروري ...عشان يوم يرجع من البيت بيكون مسطل ويبا يرقد ومافيه يدور وبيتحسب عمره انه مضيع المفتاح برا ولا ناسيه عند حد من ربعه مابيلقى حل غير انه يرقد فالصالة وعلى الكنبة ...وعاد انتي اونج الاخت الطيبة والحنونة قوليله انا بسهر فالصالة اليوم اشوف فلم سير ارقد فغرفتي ...
وبعدين صدق بيندم وبيقول فخاطره ياليتني وديتها السوق حليلها اختي وايد طيبة خخخخ بس بيحاول انه مايبين هالشي بس فاليوم الثاني بتشوفينه بروحه ياينج ويسألج اي سوق تبين تسيرين؟؟ وعاد فرحي انتي واستانسي وبيوديج وبيدلعج بعد خخخخ شو تبين أكثر من جيه ؟؟؟
شو رايكم ؟؟ عجيبة الحركة لا؟؟
الحمدلله ماعندي اخوان عشان اجرب عليهم الدريول مايقصر خخخخ
انا نصحتكم قلت لكم لاتدخلون وتحملوا عاد ولاحد يزعل انزين
والسموحة محد يزعل سوالف تراهن
أنت غير مسجل في منتديات مها الشرق. للتسجيل الرجاء اضغط هنـا 
خاص للبنات فقط ... ممنوع دخول الشباب واللي يدخل يتحمل اللي بييه ههههه 
العرض العادي
