الشاعر الكبير سليمان بن شريم، شاعر اشتهر بالمطولات وهو أيضاً أول من مارس شعر المحاورة في نجد مع صقر النصافي ومرشد البذالي وعبدالله اللويحان وأحمد الناصر.. ويعتبر هذا الجيل هو المؤسس الحقيقي لشعر المحاورة في نجد.
ابن شريم المؤسس الحقيقي لشعر المحاورة في نجد اشتهر بقصائد الغزل وأجاد في الحكم
عاش سليمان بن شريم إلى ما بعد منتصف القرن الهجري الماضي وهو من أهالي السر في نجد ويعتبر من أبرز شعراء القرن الماضي وله قصيدة طويلة ينصح فيها ابنه عبدالعزيز ويبين له تجاربه في الحياة بطريقة اتسمت بالحذر والتشاؤم.
الشاعر سليمان بن شريم أراد أن يلقن ابنه العديد من الوصايا التي يرى أنها ضرورية جداً للبقاء قوياً.
*هذه قصيدة للشاعر الكبير سليمان بن شريم رحمه الله ينصح فيها إبنه*
يا مـل عيـنٍ فـي محاجيرهـا شـوك
والقلب بـه عـن لـذة النـوم تكـاك
لا دك فـي قلبـي مـن الهـم داكـوك
جاوبت طربات الحمايـم علـى الـراك
عزي لحالك يـا عزيـز وأنـا ابـوك
.كان الزمـان اللـي توطانـي توطـاك
إفهم وصاتي يـا عزيـز وأنـا ابـوك
.دامك صغيـر وغايـة العلـم يقـراك
تـراه مـا ينفعـك خالـك ولا أخـوك
لا صار مـا تقضـي لزومـك بيمنـاك
وربعك ليا بـان الخلـل فيـك عافـوك
أقرب قريب ٍ لك مـن النـاس يشنـاك
إن كثر مالـك صدقـواّ لـك وطاعـوك
وإن قـل مـا بيديـك شانـت حلايـاك
لو تطلب الما عندهم كان مـا أسقـوك
إبعد مـزارك عـن وطنهـم ومربـاك
وإن طاب حظك صدقـوّا لـك وحبـوك
وإن بار كلن مـا يبـي غيـر فرقـاك
وإلا إعترض لك من صروف النيا صوك
كلـن تبـرا منـك مـاهـوب ويــاك
هراجـة المجلـس إلـى جيـت وروك
منـازل ٍ تطـرب نظـيـرك بدنـيـاك
وإللا قضـى منـك اللـوازم وخلـوك
تفرقوا وأنـت إحتمـل كـل مـا جـاك
كنـك سـراج البيـت للنـور شبـوّك
.وإلى إنقضى اللازم حدا الربـع طفـاك
وألا كمـا ليمونـة الحمـض مصـوك
وإلا قضـى منهـا الطعـم فرغـوا ذاك
واللي يجي من رفقته ريـب وشكـوك
إحذر عنـه ليـاك تصـدف بمسـراك
وإلا جفوك أهـل الوطـن وإستخفـوك
قلّـع غريسـك منـه وإهـدم ركايـاك
تراك لو تنجع علـى الربـع صعلـوك
أحسن من اللـي نلتجـي بـه وياطـاك
عطهـم وضيفهـم إلا منهـم جــوك
وإغلـق ضميـرك لا تعلـم بقصيـاك
إن طبت ما حبوّك وإن عبـت زالـوك
تمضـي حياتـك ناقـل ٍ داك بـريـاك
وإلى نفـوك إمـن الوظيفـه وعافـوك
خفـتّ موازينـك وكـلـن تهـقـواك
وإصحى لخـلان الرخـا لـو تغالـوك
إعرف ترى أطيبهم إلى إحتجت يجفـاك
كنك خوي مقيـط دهـووك وأغـووك
وحقك عطاك رشـاك وأقفـى وخـلاك
وإحذر عن العلة ترى الحـق مـدروك
مثل العمـل يدركـك مـا منـه فكـاك
وإن كان عدوانك على الضيـق حـدوك
فإخصـم طلابتهـم بعجفـاك وقــداك
وإن كانهـم لمشـرّف الحـق ماشـوك
ناظـر مطاليـع الفـرج قبـل مبـداك
وإن طاوعوا شيطان الأنفس وهانـوك
فإصبر على البلـوى ودفنـك رزايـاك
زرهـم تـراك إليـا تونـيـت زاروك
إن ما بديـت لصاحـب السـو يبـداك
ما دامهم ما طاوعـوا لـك وعرفـوك
إضرب على الكايد إلى عمسـت ريـاك
لو هذبوك إمـن المصـاوب وضـدوك
مـا يذبحونـك قبـل تدنـي منـايـاك
وإحلم على الجاهل ترى الحلم مبـروك
وقم للضعيف اللي مـن الظيـم ينخـاك
وإدمح خطاجيـران بيتـك إلـى أوذوك
ترى القصير وحرمـة الجـار بحمـاك
عطهـم لـوازم حقهـم لـو تناسـوك
في كـل مـا يصلـح لدينـك ودنيـاك
وقم للضيوف اللي لفوا لـك وضافـوك
أغلـى كرامتهـم حجاجـك وبـشـراك
وإعرف ترا مالك للأضيـاف مشـروك
لولاه يطلـب حاجتـه منـك مـا جـاك
وقم للرجال إن رايعـوا لـك وحبـوك
وإحشم خويـك وأكرمـه عنـد ملفـاك
وإلى إعتبرت بسيـرة النـاس كفـوك
ما كثر مـن شـي أتعبـك ثـم عنـاّك
ولـولا تبـات بهـمّ دنيـاك مظنـوك
ما طاب لك مـا دام لـك وإفتهـم ذاك
لو يطلبون إخفايك الناس مـا أخفـوك
الرجل مثل النجـم فـي كـل الأفـلاك
وصلاة ربـي عـدّ الأوراق والشـوك
أو نـاض بـراق ٍ ومـا هـل سفـاك
على الذي ما فيـه ريـب ٍ ولا شكـوك
امحمـد ٍ مــا دك بالقـلـب دكــاك
وأيضاً من قصائدهـ
البارحـة ساهـر والدمـع يجـري
والقلب حزن علـى فرقـى حبيبـه
كريـم يابـارق ينـوض حــدري
واللي سرى بالغداري يقتـدي بـه
والى ضـرب وادي خـلاه يجـري
عسى طروش البوادي ترتوي بـه
متخفي لابـس لـه بشـت بـدري
حسبي على البشت واللي غرني به
يامدرج الساق حالي منـك مبـري
بـري النجاجيـر عيـدان صليبـه
ابـو قـرون تغـذى بالشمطـري
* مثل السفايف على كور النجيبـه
ابو عيـون الـى دلـت تخـزري
ترمي بالاسباب ويل اللـي تصيبـه
ابـو خديـد يشـادي نجـم فجـر
والا القمـر لاانتحىيبغـي مغيبـه
ابو نهيـد كمـا الفنجـال زبـري
ويمزع الثوب مـن حـال غصيبـه
ياليتنـي عالـم بالغـيـب وادري
عن غض الانهاد من هو من نصيبه
ياليتنـي حايـف ويقـال خبـري
انهب صخيف الحشا ثم اغدي بـه
من طاب لي طبت له والكل يـدري
واللي يتغلي علينـا وش نبـي بـه
ان مت حطوا بدرب البيض قبـري
تكفون حطوا على قبـري نصيبـه
يا من يـرد الحبيـب وياخذاجـري
قفـا بـلا سبـة ربـي حسيـبـه
ماقدر الله على المخلـوق يجـري
والعبد لزما تـرى ياخـذ نصيبـه
وا قو مـا صابنـي وا قوصبـري
لعـل مـا صابنـي منـه يصيبـه
يا الله طلبنـاك مغنـي كـل فقـر
كـل علـى قدحالـه تعتنـي بــه
وهو أيضاُ قائل هذه القصيدهـ التي هي بقمه الروعه صراحه /
حيا الله اللى يغيـب ويسـرع الـرده
اللـى يجينـي الـى منـه تباطانـي
قلبـي يـوده و حالـي كنهـا القـده
ودي بشوفه ودونـه حـوم عقبانـي
يا صاحبي جارك الله وش ها الصـده
مهـوب حـق تولعنـي و تنسـانـي
ان كان عندك حكي بي خامل السـده
فانت المصدق وانا حقي ومـا جانـي
اهرج على ما تـورى والبخـت بـده
لا تستحـي يابعـد حـي وحيـاتـي
ترى حلاة الهـوى لا طالـت المـده
مهوب يوم صديـق ويـوم قومانـي
وان كان ما انت بمصافيني على الشده
وقت الرخـا واجـد ربعـي وخلانـي
وسليمان بن شريم هو القائل:
عن اللي صفح نصفح ولو كان هو غالي
والاقبال يبشر صاحبـه بالنبـا الغالـي
ولا نيـب حبـاب لـمـن لا يحبـنـي
تصير المـودة فيـه بلـوى وغربالـي
كما تاعب يتعـب علـى غيـر فائـدة
مثل ما سبقت حفار حجر وهـو خالـي
ولا خير بالدنيا إلـى صـار مـا بهـا
رفيق يميل مع الدهر حيـث مـا مالـي
فلولا الدلايل ما اهتـدى سايـر الدجـا
ولولا المعرفة ما ادرك الجـود رجالـي
يعدّ ابن شريم من فحول الشعر النبطي .
برز ابن شريم في بدايات حياته الشعرية شاعر حرب وذلك نظرا لما كان موجود في محيطه .
انتقل ابن شريم الى الكويت ونال هنالك شهرة كبيرة وخاصة في شعر القلطة حيث شكّل ابن شريم وصقر النصافي ثنائيات رائعة ومن تلك المحاورات .
قال النصافي :
والله اني ما اخلي اللعب ذل وفشيله
دام راسي عليه اليا لمسته عقالـي
فرد ابن شريم :
ياسحابٍ ترزم وارتكب نو سيله
يالله انك تخفف سيلته يوم سالي
قال النصافي :
من بغا يضرب المضماه يملا صميله
لا يحوشه نهارٍ يلمس السعن خالي
ابن شريم :
كم صبي ٍ تهقوانـا خفسنـا زبيلـه
يصبح الصبح ما عونه من العز خالي
ومن روائع ابن شريم :
حيا الله اللي يغيب ويسرع الردة
اللي يجيني الـى منـه تباطانـي
قلبي يحبـه وقلبـي كنـه القـدة
ودي بشوفه ودونه حوم عقبانـي
ياصاحبي جارك الله ويش هالصدة
ماهوب حق تولعنـي وتجفانـي
وكذلك :
ريحه كما زهر النفل فـي شعيبـه
في خايع عله من الوسم تشعيـب
ممطور امس وممسي ما وطي بـه
واليوم شمس وفاح طيب على طيب
وله ايضا :
اما انت لو تمشي على الرجل صعلوك
اطيب من اللي تلتجي لـه ويجفـاك
خدمتك شيـخ كنـك العبـد مبـروك
يامـرك فيمـا يشتهـي ثـم ينهـاك
وترى الملوك اليا صفو لك وحبـوك
اصغر خدمهـم ينتقـم لـك وينفـاك
واليا جفوك اهل الوضيفة وعافـوك
خفـت موازينـك وكلـن تهـقـواك
أنت غير مسجل في منتديات مها الشرق. للتسجيل الرجاء اضغط هنـا 
من أعلام الشعر النبطي..الشاعر الكبير سليمان بن شريم رحمه الله 
العرض العادي
