قصيـــدة مــــؤثرة لكــــل شاب يفكر إنه ........

**يـاعـمــري انــا** · 23-Aug-2007, 01:07 AM

شاب كان مسرع بالسياره

ومعاه أمه .. وصار له حادث

أمه للأسف انتقلت لرحمة الله

وهو أصابته كانت جداً بسيطه

كتب فيها هالشعر

[frame="8 98"]يواسيني وأنا الميت وحالي يجبر الدمعات
تسيل من الذي فيني ويبكي وهو يواسيني

وأنا أبكي واتنهد وارسم بالحزن لوحات
يجبروني عشان أمشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وأنا أبكيها وتبكيني

وكنه حلم قدامي يقيدني من الصرخات
أبي أصحى ولكني عجزت القى اللي يصحيني

فداك القلب يايمه ومهما قلت من كلمات
صغيره في كبر حقك بس أتمنى تعذريني

نهبت الفرح من بيتي صحيح إني خسيس الذات
صحيح إني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم أكبر وهم أصحاب هالمأساة
وأنا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي أباكيه ويباكيني

عطيتيني بدون حساب ولا سمعتك تقولي هات
وأنا أشرب حيل من دمك ودمك ما يكفيني

يايمه ارجعي كافي ابجلس معك لو لحظات
وأقبل إيدك ورجلك وأفرش لك رمش عيني

يايمه ما تحملهم يقولوا فات ما قد مات
تعالي غيري هالقول وأطيعك باقي سنيني

وأترك عادة التدخين وأنفذ ما تبي بسكات
وأصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
أبيك أنتي ولا غيرك على موتك تعزيني

وضميني وداويني مثل ما كانت الهقوات
ما أبي احدن يواسيني أبيك أنتي تواسيني

دخيلك بس لا تبكي إذا شفتي بي الدمعات
أنا مقوى أبكيك إذا أنتي تبكيني[/frame]

***شموخ أنثى*** · 23-Aug-2007, 01:19 AM

الله يرحمها ان شاءاللهـ,,

كلماات معبره الصرااحهـ,,

كلماات تقطع القلبـ,,

الله يعيين واللهـ,,

والله يهدي كل شاب مسرعـ,,

تسلمين الغاليه ع المشاركه الحلووهـ,,

ربي يعطييج الصحه والعافيهـ,,

لاخلا ولاعدمـ,,

تحيتي لجـ,,

**يـاعـمــري انــا** · 23-Aug-2007, 01:25 AM

آمين اختي شموخ

والله يهديهم انشاءالله

تسلمين الغاليه على المرور

**ملاك دبي** · 23-Aug-2007, 01:38 AM

يسلمووووووو ع الموضوع المفيد لكل الشباب ويزاكم الله خير واقول للشباب مو المهم انكم توصلون بسرعه الاهم انكم توصلون بسلامه....

**يـاعـمــري انــا** · 23-Aug-2007, 02:46 AM

تسلمين حبوبه على المرور الطيب

ولا تحرمينا من ردودج