المنحوس منحوس

**فهد المدينه** · 13-Oct-2007, 03:58 AM

من قصائد الأمير عبدالرحمن بن مساعد

منــــــحوس

**
يوم الاثنين اغتنى .. وصـار بين الاغنياء ترتيبـه الثـالث

يـوم الثـلاثاء الفجر .. مـات في حـادث

**

فريق كـورة .. دائـما ً ترتيبـه في الدوري الاخيـر

واذا لعبـوا واستبسلوا .. قبل الاخيـر

وبعد السنين الممحلـة .. جـاهم رئيس ثروتـه كثـر التـراب

عيّن مديـر .. عنـده من الخبـرة كثيـر

شـال الكبـار ولعّب شبـاب

وجـاب المدرب اللي له اسـم ٍ مهـاب

واتقدموا .. وصـلوا للدور النهائي

ويوم النهائي .. قبل المبـاراة بدقـايق

في البلد حصـل انـقلاب

**

مسكين .. شين وفقير

وفي الدراسـة حـاول انه يستمر .. ومااسـتطاع

وضعـه صـعب ..ابـوه مـات وهو صـغير

وماتـرك له الا الفقر .. وامـه واختـه .. والهم من فوقـه وتحتـه

ومالقى لجـل الهـروب من الضيـاع .. الا انـه يـدور وظيفـة .. أي وظيفـة

ولقى من ضيقتـه مخـرج .. وظيفـة دخلها معقول .. يمشـّي الحـال لو اعـرج

ومـرت سنـة وسنين

والمسكين .. صـارت كل آمـاله زواج

واتـزاحمت في داخلـه الاسئلـة

منهي اللي بتقبلـه ! .. وليـه ؟

وفي يـوم مامثلـه ابـد .. شـافها .. اجمل من اجمل مارأى

واضحكت له ... مستحيل !! ...اضحكت له

ومشت من اول الحـارة .. ولحقها

وادخلت في بيت جـاره

سـأل عنها وعـرف ... قنوعة واسمها سـارة

تصـير اخت لمرة جـاره

ارسـل لها اختـه .. تجس النبض

جت البشـاير

راح لمه .. وفرحته كـبر السـما والأرض

وافقت !! .. ابشـرك يمـه .. لقيتها يمـه

سـارة اخت حصـة مرت منصـور

ابيها وهي تبيني .. وابغى منك الشـور

خلاص يا يمـه خـلاص .. بقول لهمومي الوداع .. بقول لهمومي الوداع

قـالتله امـه :

يا ولدي .. بس هذي اختك في الرضـاع

**نبض وحساس** · 13-Oct-2007, 05:46 AM

تسلم يداك ..يا اخوووووي

قصيده رووووووعه ..

يعطيك العافيهـ[[/COLOR

تحياتي لكـ

وكـــــــــــــــ عام وانت بخير وسعااااده ـــــــــــــــــــــــــــــــــل

**همسة حزن** · 13-Oct-2007, 03:21 PM

مشكوووووووور اخوي
يسلم يداااااااااااك

**الحلوه** · 13-Oct-2007, 06:34 PM

يسلمو اخوي

تحياتي لك

**فهد المدينه** · 14-Oct-2007, 09:21 AM

نبض وحساس
همسة حزن
الحلوه

الف شكر ولا عدمناكم يارب

**SHJ4EVER** · 15-Oct-2007, 03:20 PM

تسلم الغالي
على الكلمات والقصيده الجميله

يعطيك العافيه

تحياتي لك

**عسولة الحلوة** · 16-Oct-2007, 02:55 PM

يسلمو ع القصيده و يعطيك العافيه

***شموخ أنثى*** · 16-Oct-2007, 05:31 PM

اختيار مميز منك خيووو,,

يسلمووو والله ع المشاركه الرائعهـ,,

ربي يعطيك الصحه والعافيهـ,,

بنتظار كل مميز منكـ,,

تحيتي لكـ,,

**فهد المدينه** · 17-Oct-2007, 05:07 AM

شرجاوي مشرفنا الجديد
ألف شكر ياغالي على تواجدك الطيب
لاعدمناك يارب

عسوله الحلوه
الله يعافيك أختي ألف شكر لك

شمووووووخ
يسلموووو هذا من ذوقك الراقي
لا عدمناك ولا عدمنا تواجدك الطيب
تحية طيبة لك

**الأنصآرٍيْ** · 17-Oct-2007, 05:10 AM

هههههههههههههه فعلا المنحوس منحوس

مشكور الغالي على القصيده الجميله

يعطيك العافيه