كنت احسبن الحب ضحكن وتمثيل
لاما هقيته صدق ولاّ حقيقه
كنت احسب العشاق ماتسهر الليل
وكنت احسبن البدر محدن صديقه
كنت احسبني بالمحبه قوي حيل
كنت احسبن الحب قلبي يطيقه
بالحيل انا غلطان بالحيل بالحيل
اكبر دليل ان الغلط فيّ ضيقه
والويل زاد وصار ويلن على ويل
وجروح فوق جروح صارت سحيقه
أمسيت في ليل العنا والبهاذيل
والحظ دورات الليالي تعيقه
تبدلت كل السعاده غرابيل
وتسكرت ماعاد ليّه طريقه
مالي جدا ياكود بدع التماثيل
توصف جروحن في فؤادي عميقه
ارجي سعدها فالليالي المقابيل
والطرقي الضميان يبتل ريقه
يبتل ريقه من مزون المخاييل
اللي بها البراق يلمع بريقه
ولا همني نقالت القال والقيل
مدام وسط الجوف شبت حريقه
انا بلاي ام الرموش المظاليل
واموت بين الثانيه والدقيقه
محبتي له ماتبي شرح تفصيل
الله جعلها في هوانا عشيقه
لو وقفوا دونه كثير العواذيل
مشاعري دايم معاها رقيقه
يالله عسى عقب المعاسير تسهيل
بأمرك تفرج كل هم الخليقه
أنت غير مسجل في منتديات مها الشرق. للتسجيل الرجاء اضغط هنـا 
المحبـــــ ــــه 
GTURL
