قصه الديك

ما ابي اطول عليكم اخليكم معه القصه
بسم الله الرحمن الرحيم
7
قصه تموت من الضحك

هذي قصة راعي ديك منسم


القصة تقول : فيه ولد طفران (ماعنده ولا ريال) راح لأبوه وقال له : عطني 15 ريال بشتري كورة

الاب : أقول انلقع عني تراها واصله معاي

الولد : تكفا يبه بس 15 ريال والا اقولك خلها عشرة ريال

الأب : ماعندي فلوس .. اذا تبي روح بيع الديك حقك المريض اللي بالحوش

الولد : بس هذا مريض ومحد يشتريه

الاب : ما علي منك .. دبر نفسك



والله الولد استسلم للامر الواقع واخذ الديك



أول واحد قابله في وجهه أكيد أبوه .. قاله الولد : تشتري الديك ؟



الاب : بتنقلع عني والا اقوم اتوطا ببطنك؟

الولد : خلاص خلاص لاتنفخ



طلع الولد من البيت ومعاه الديك في محاولة يائسة غن الديك ينباع عرض الديك على أهل الحارة كلهم

ولا واحد فيهم قبل إنه يشتري الديك قال الولد: ممممممممممممم. والله مالي إلا فلانه عقلها خفيف وأكيد

بقدر ألعب عليها بسهولة فلانه هذي كانت وحدة متزوجه بس للأسف كانت رايحه فيها وتلعب بذيلها من

ورا زوجها



راح لها الولد عشان يبيع عليها الديك



الولد : تشترين الديك تكفييييين؟؟



هلا والله بحبيبي .. تعال قرب مني عشان ابوسك بوسه خفيفة



الولد : اقول ماني فاضي لك .. خذي مني الديك وخليني أروح



تروح مني ياعمري !! أنا ماصدقت إني شفت رجال عندي في البيت..



الولد : ومين اللي قال لك اني رجال؟ خذي الديك وخليني أروح ، شوي الا الباب يدق خافت الحرمه

وقالت للولد تعال اندس هنا في الدولاب لا يطلع زوجي ونروح فيها.



حطت الولد في الدولاب وراحت فتحت الباب الا وطلع لها صديقها اللي تخون زوجها معاه...



الحرمه : هلا والله بحياتي وعمري

الرجال : ياهلا فيك عمري .. ما مدا الرجال يكمل كلمته الا والباب يدق

الحرمه : ياويلي ويلاه .. هذا شكله زوجي .. تعال وادخل في الدولاب



دخل خوينا في الدولاب وفجأة في عز الظلام سمع صوت يكلمه داخل الدولاب ويقوله: تشتري الديك؟؟



الرجال : اصصصصصصص رخي صوتك الله يرحم والديك لاتفضحنا

الولد : أقول تشتري الديك ؟

الرجال : ياخوي خلاص بشتري الديك بس قصر صوتك تكفى ...

الولد : طيب

الرجال : بكم تبيعه؟

الرجال : ايييييييييييش؟؟؟؟ هالديك المنتوف المريض ب100 ريال؟؟

الولد : تبي تشتري والا أرفع صوتي ؟؟

الرجال : لا لا خلاص بشتري وأمري لله جلسوا 5 دقايق

الولد : تبيع الديك؟

الرجال : توك بايعه علي يابن الحلال !!

الولد : تبيعه والا أرفع صوتي؟؟

الرجال : لا لا خلاص ابيعه وأمري لله .. بكم تشتريه؟؟

الولد : بريال

الرجال : أيش ..؟؟ بريال !! أنا مشتريه منك ب100 ريال وانت تشتريه مني بريال!!!!

الولد : تبيعه والا أرفع صوتي؟؟

الرجال : لا لا خلاص .. أبيعه وأمري لله جلسو 5 دقايق

الولد : تشتري الديك ؟؟

الرجال : ياخي توني مشتريه منك !

الولد : تبي تشتري والا ارفع صوتي؟؟؟

الرجال : لا لا خلاص اشتريه وأمري لله .. بكم تبيعه؟؟

الولد : ب200 ريال

الرجال : الله يمحط بك ان شالله .. توني مشتريه منك ب100 ريال

الولد : تبي تشتري والا ارفع صوتي؟؟؟

الرجال : لا لا خلاص بشتري وأمري لله جلسوا 5 دقايق

الولد : تبيع الديك؟ الرجال : إنا لله وإنا إليه راجعون .. بكم تبي تشتريه ؟؟

الولد : بريال

الرجال : وش تبيني أقول !! تبيني أبكي والا أشقق هدومي .. بالله خذ الديك وببلاش بعد ما أخذ الولد

الديك شوي الال الحرمه فاتحة عليهم الدولاب وقالتلهم : يالله بسرعه انحاشوا دام إن زوجي في الحمام

بس واحد ورا الثاني وبشويش عشان لا يحس فيكم زوجي



طلع الرجال وانحاش ولحقه الود بعده ب5 دقايق المهم قام الولد يتمشى في الشارع وهو مبسوط انه صار معاه

فلوووس بعدين راح للبيت يوم شاف أبوه قدامه .. راح قال لأبوه تشتري الديك؟؟

الأب طالع فيه والشرار طالع من عيونه وقال له: مايكفيك يابن (؟؟)ال300 ريال اللي لطشتها مني في الدولاب؟؟؟