/
\
/
\

لا تشكي الوقت يالغالي وصداته
الوقت ما هو على كيفي ولا كيفك
دايم خيالك بروحاته وجياته
يومه يحبك وراك تسل له سيفك
ياللي شغلت الفؤاد وكامل أوقاته
ما مرة غاب عن عيني سنا طيفك
راعي الهوى يكتم الأحزان وآهاته
وياما تحملت موجك مع عواصيفك
لو يعطي الحب راع الحب شرهاته
ما كان يمديه مستسلم لتصريفك

/
\
/
\


يوم اكتبك في دفتر سنيني أشواق
ما ودي أقرأ في حروفك عذابي
ويوم أرسمك صورة لها ظل وأشراق
طيفك ينّور كل سطر بكتابي
من يوم ماصرنا على الكون عشاق
عيا سؤالك يحتفي في جوابي
أبيك مثلي واكثر شوي تشتاق
مابيك تزعل كان طول غيابي
دام الغلا مافيه رحمة ولاشفاق
وأنا حبيبك
ليه ترضى عذابي
غير الوفا
مابي مواعيد الاشواق
ياكل عمري يا بقايا شبابي

/
\
/
\

قبل ما القاك
اشوفك بدر يزهى بنوره
اسمعك صوت حالم
له صدى في فؤادي
نشوة العاشق
اللي محتريك وسروره
لوعة المشتقي
ينده بحرقه ينادي
الغلا ابضامري
لك تحتفي بك قصوره
والرضا منك
مطلب عاشقك والمرادي
يا هوى ما أجمله
في قلب هايم حضوره
ازرعي في رياض الحب
ورد وكادي
شتتي كل حزني
هدمي كل سوره
إثبتي حبنا صفعه
بوجه المعادي

/
\
/
\

أحبك نعم واعشقك أنا غير
رسمت الغلا بإحساس فنان
رسمتك أنا في ناظري طير
بروض خضر ويشيد بالحان
وشوقي كتب للشعر تقرير
لأنك حسين الطول فتان
ومهما حصل بأقول لك خير
بنبقى سوى بالحب خلان

/
\
/
\

أرجوك لا تقطع رجا من ترجاك
يا ما على شانك لك الدمع هليت
لا تمنع العين الشقيه عطاياك
متى أشوفك والشقاء منه مليت
أنت الوحيد اللي بقلبي وذكراك
تبقى معي لو عني اليوم صديت
عذبت قلبٍ يسهر الليل واغلاك
يوم أنت عنه في منامك تهنيت
تركتني والقلب ما ظن ينساك
في غيبتك لا نيب حي ولا ميت

/
\
/
\

صمتك عتاب لي
وصمتي عذابك
يامن عيونه ترجمت كل الافكار
وقريتها ساعة وصلني كتابك
مافيه داعي لا تعذب وتحتار
أصبحت ماضي في حياتي وتذكار
وجودك أصبح واحد أو غيابك
كثر الرسايل ما تفيدك والاعذار
البرق ناض بخاطري وانتحابك
ابعدك يوم انه تمكن ولا سار
ان كان صمتك في بداية شبابك
من حق عينيفي الدايات تختار

/
\
/
\

الخطوة اللي ما تقربك للعين
عسى الدروب اللي وطتها غبينه
واللحظة اللي ما صفت للمحبين
عسى الزمان يشيلها من سنينه
الورد يسأل عن فراش البساتين
والبحر يسأل عن غياب السفينه
كن اللقاء ضاعت عليه العناوين
وكن المسافر ما تبيه المدينه
إلى متى تجفين يا غضة اللين
والحلم طفل ينتظر تحضنينه

/
\
/
\

صباح الورد
فواح الشذى يانشوة المشتاق
وش الورد
غير الي بخدك واهجه يضفي
تعالي شاهدي جرحي
بعد فرقاك زاد فتاق
فقد لمسة حنانك
يا حياتي لمستك تشفي
عجز عنه الطبيب
اللي تجاهل لوعة الأشواق
ولو عانت عيونه
مثل ما عانيت ما تغفي
تعالي لملميني
من تباريح النوى باشفاق
تعالي شتتي
شمل المواجع كم نوت حتفي


/
\
/
\

ما للمشاعر غير صدق وبرهان
وحروف شعر فاقت الجاذبيه
يا من غلاك ألوان وأشكال وألوان
يا جمل متاهاتي وسر الهديه
الشعر حان وتو ما هاجسي حان
يوم إن كل عارف من خويه
فعلا غلاك أهم من دمع الأحزان
تعال أعلمك العلوم الخفيه
من قلب يا سيد الرعابيب ولسان
لك شرهة تلغي جروح وخطيه
لجلك كتبت الشعر راضي وزعلان
مسحوب وهجيني مع السامريه

/
\
/
\

خل الأماني تسكن الياس وتموت
وش عاد لو مات الأمل في غيابك
العمر ضايع فيك أو فايت الفوت
نفس الحكاية بي تجدد صوابك
حبل اللقا ما بيننا صار مفلوت
قريت أنا سطر الألم في كتابك
صرخة
ندم
أو هم
أو طيف ممقوت
كل المشاعر
غارقة في عذابك
اسمك على لوح العمر
صار منحوت
حبر العذاب اللي لجا باغترابك
صابر واشوف العمر من عمري يفوت
في غيبتك صار العمر كنه الموت
يا ليت تدري وش عمل بي غيابك

/
\
/
\