بعرف اني غلطانه بس بدي اي حد احكي معه ويساعدني

مرحبا شباب وصبايا
ومرحبا ادارة منتدى مها
انا عضوه جديده هون واسمي منى ودلعي موني من فلسطين (القدس)

مشكلتي اني حبيت واحد حب ما بيوصف وهو كمان حبني ولسه بنحب بعض
حبيتو لدرجة اني سلمتو اغلى شي عندي انا مش زعلانه لهيك بس هو ظروفه ما بتسمح انه يجي يخطبني لانه فعلا ما معه فلوس وانا ما بقدر اساعده لاني ما بشتغل دورت كتير على شغل بس عنا كل الشغل بواسطات والي ما الو واسطه متل حالاتي ما بيشتغل المهم
خلاصة الموضوع اني لازم اتزوج هالانسان هاد بس ما معه فلوس يخطبني شو اعمل؟؟

يرجى ارسال تقرير بالحاله الى الايميل التالي helpsupporters@googlemail.com

وسيتم عرضه على الجهات المختصه للنظر في ذلك

معتمد من ادارة المنتدى

كيف بقدر ابعتها على هاد الايميل يعني اضيفو على المسنجر وبعدين ابعت رساله ولا كيف؟؟

الايميل لا يقبل الاضافه على المسنجر لانه لجهات رسميه
فقط ارسال بريد من اي ايميل مع شرح الوضع والحاله

انا بحكيلك مشكلتي من هون وانا صغيره كنت دايما مشاغبه واتعب امي كتير وامي ست كبيره بالعمر يعني هي اكبر مني بحوالي ال 36 وفي قبلي 7 ولاد وبنات وانا رقم 8 يعني ما كنت احس باهتمام من امي لانها مش فاضيتلي في عندها اولويات البيت والتنظيف والطبيخ وما بتخلص من كل هالاشياء الا هو ابوي مروح من الشغل يعني بصريح العباره ما بعمري قعدت مع امي وحكيت معها متل اي بنت وام وابوي بيتأخر كتير بالشغل وما بشوفه الا ساعه او ساعتين يعني ما في اي لغة تفاهم بيني وبينه المهم وانا صغيره جدي ابو امي اتوفى وامي انشغلت بوفاته فكانت اختي عمرها 8 سنين ونص تهتم فيني وشوي شوي اتعودت عليها بس لما كبرت صرت احس انه مش لازم كل شي احكيه لاختي ولانها ما بتفهمني وكتير عملتلي مشاكل بطلت احكيلها شي وبعدين لما حبيت ما حد بيعرف عن حبي ولا شي ما في غير انا وهو والله والله ما كان قصدي اغلط بس هاد الي صار كان الجو كتير برد عنا واتفقنا نطلع انا واياه محل ونشوف بعض بس علشان برد حكالي شو رأيك تيجي على بيتي حكيتله لا واصريت انه لا بس حكالي اذا ما بدك تيجي انا بدي اروح على الشمال عند اهلي حكيتلو لا باجي رحت عنده قعدت على كرسي بعيد عنه عملي شاي وقعدنا وحكينا ومزحنا وما لاقيته الا ببوسني وما بعرف كيف ولا ليش استسلمت وشوي شوي وبنفس اليوم صار الي صار بعرف انه غلط والله العظيم بعرف بس هو لو تتحسن احواله شوي رح يخطبني بس المشكله بالفلوس واني اتزوج خطيفه هالشي ما برضاه لانه وقتها اهلي شو رح يصير بحالهم
وانا مش ملاقيه شغل علشان اساعده ونتزوج وهو شغله يا دوب اجار البيت ومصروفه وبيتداين لسه طيب شو اعمل والله انا كرهت كلشي حتى حالي
نفسي هيك اضرب الرمل اطلع بس 10000 دولار فيهم بتنحل مشكلتي كلها وبعدين الله بدبرها

اوكي يا اخي انا عكل حال كتبت مشكلتي هون ورح ابعثها على الايميل

اخي انا بعتت الرساله ما بعرف اذا وصلت او لاء

[align=center]الله يستر عليك أختي ويجعله يزوجك عاجل غير أجل

الله يسترعليك أبعثيها على ألأميل يمكن يشفون لك حل ......[/align]

شكرا مها وانشالله الاقي حل انا صرت حاسه حالي ضايعه متل الي واقعه بمتاهه الها اول وما الها اخر

[align=center]لاتنسي أنك تستري على نفسك دام الله ساتر عليك
2- قال الله تعالى { من يتقي الله يجعل له مخرجاً ويرزقه من حيث لا يحتسب } .
3- قال الرسول صلى الله عليه وسلم (( ثلاثه حق على الله أن يرزقهم مجاهد في سبيل الله و المكاتب يريد سداد دين وشاب يريد العفه )) ز

تقبلي تحياتي << وأنا رجال ماني بنت >> وأبي أغير أسمي [/align]