قصيدة الجـــنــي

عاشق المها · 15-Feb-2008, 04:32 AM

هذي القصيدة كنت أحفظ بعضها من كنت صغير كان رجل يجي عند أبوي كل ليله يسهر ويقولها و حفظت بعضها منه >>> والله من كثر مكان يحشرني أبوي أقهوي .

ودورت عليها ولقيتها تفضلوا...

هذه القصه بختصار:

بأن رجل كان في سفر فداهمه الليل والمطر فأوى الى غار يقضي فية ليلتة وهذا الغار في وادي المشقر بالمجمعة

وعندما استغرق في نومة , أيقضة صوت أناس يغنون بالقرب منة , فمكث في مكانة واصبح يستمع لهم.

وكانوا يغنون هذه السامرية

يــا قــارع الـدمـام ســم واقـرعـه = واعطيـك عذقيـن ليـالـي الـصـرام
سقوى سقى الله وادي المجمعة = مـن رايـح يـوضـى بجـنـح الـظـلام
الــزرع مــا يسـقـم لـمـن ضـيـعـه = والطـرش مـا يسنـي بلـيـا طـعـام
يـاذا الحـمـام الـلـي لـكـن لعلـعـة =فــوق الجـرايـد والـخـلايـق نـيــام
بـالله علـيـك .. الـصـوت لا ترفـعـه = تقعـد غـريـر سـابـح فــي المـنـام
تــوه صغـيـر .. الـديــد مايـرضـعـه = مستنكـر عـقـب الـرضـاع الفـطـام
الى سرى فاسـري علـى مربعـه = ثـم ارجعـي مــن بعـدهـا للمـنـام
المـوت جانـي مــا قـويـت امنـعـه = مــوز بـحـالـي وا هـنــي الـفــدام
خلخال سيدي وان مشـى يقرعـه = قـرع الجـرس للـي تقـود الجـهـام
الصاحب اللـي عشرتـه مسمعـه = علـيـه مـنـي كـــل يـــوم ســـلام
والصاحـب اللـي كـز لـي مـردعـه = علـيـه مـنـي كـــل يـــوم ســـلام
شوفـي بعينـي مخـطـره يـذرعـه = يسـري تويلـي الليـل يـم الـهـدام

الرجل أذكر كان يقال له (( الدن دال )) صاحب القصه

أتمنى تعجبكم

**الجرح الأسود** · 15-Feb-2008, 11:00 AM

السلام عليكم ورحمة الله وبركاته شـكــ وبارك الله فيك ـــرا ... ذكرتنا السامري وايامه--واعجبتني الكلمات واضحه معانييها-انا غلطت بالعلم كيف ابدله-ابي علمي السعوديه---