أبيات القصيد

يحق لك تعتب علي وتشره
مع إني ادمح زلتك ما تشرهت
لاني ادري لو تشرهت مره
عليك تكبر شرهتي ما تنبهت



(2)



من غبت والناس كن نفوسها قشرا
الطفهم اللي كسر روحي وهلابي
الجرح يبرا لو ان الوقت ما يبرى
شف وقتي اللي خذلني ويش سوى بي
(3)

الشعر ذنبه كبير وزلته زله
يارب ترضى علي وتغفر ذنوبي
أمسيت مثل الكبير اللي غدا دله
وأصبحت مثل الصغير ابين عيوبي


(4)


جيت أعشم بردنا.. بالصيف لكن..
الفصول الاربعة.. برد ورتابه!!
أهـ لا صار الغلا بالجرح ساكن
والخناجر كلها.. ربع وقرابه!!

(5)



كل ما فكرت بازعل منك وأعتب واتضايق
ضاقت الدنيا علي..وجيت لك زعلان.. راضي!!


(6)



يا عيد تدري وش اللي مر في بالي
خلاني اعتق رقاب الدمع في عيني
اصحابي اللي بعد ما بارت احوالي
ما منهم اللي نشدني وش جرى فيني!!

(7)


أقفيت واشباه الاوادم لهم رمس
شحوا علي بضحكة ما لها قيد
طاح الشجر في ذمتي طاح والشمس
توجع ولابه غير ظلي.. على البيد


(8)



ماجيت أقول القصيد.. ورحت اغني به
ولا كتبته لعين وكف عشاقي
من يوم وقتي ثعت فيني مخاليبه
والشعر طير وسماه بداخل اعماقي!!


(9)


هذاك دمعي وكنه صار بأسبابك
يجفى عيوني وروح ينتخي قربك
وهذاك صوت رميته ساعة غيابك
حتى صداه استخار وهج مع دربك

(10)



تعالي يالسنين الاوله.. يالمقبله فوتي
نعيد أيامنا «طبعا» من آخرها الى أولها
علشان اليدين اللي تحرضني على موتي
تقدر موقفي لا من رفضت اني أموت لها!!


(11)


احترت يا صاح في بوحي وكتماني
وأزريت حتى المس المضمون بيديني
أنا الغريب وتعبت اشتاق لأوطاني
ذكرت ربعي نهار.. وجيت ناسيني!!


(12)



أنا اللي مد العالم يمينٍ كلها تقدير
ومدوا لي سيوفٍ نصرها ينشاف في عوقي

تسلم قصيد معلاه كلم

طيور الفجر تسلم قصيدك ماعلى كلم

صح لسانك أبيات جميله
يعطيك العافيه ياطيور الفجر
بانتظار جديدك ياذوق

تسلمين القصيده جميله ومكتوبه من قلب كله احسيس ومشاعر الله ياعطيك العافيه ]

شكرا للجميع

فهدالمدينه -- الأبيات لشاعر محمد الحويماني العتيبي-

مجموعة أشياء - ليه الوجه معصب؟

شكرا --وجزاك الله خير على الادعيه دايم-