الذاهبه

ّ( الــــــــــــــــذاهـــــــــــبـــــــــــه )

الذاهبه

الله اللي راد والعقده قضاها اللي iiعقدها
لا على الدنيا سلام .. ولا لباقي العمر iiزينه
الفضا ما كنّه الا خيمةٍ طاحت iiعمدها
والفرح ما كنّه الا شيخٍ انقصّت iiيدينه
والعمر قطعة زجاج انكسرت ولا طال امدها
والعرب في العيد بدموع اليتامى مستهينه
والشوارع لفّها ثوب الظلام اللي iiهجدها
والبيوت اطلال من عقب المحبّه والسكينه
والشتا والليل والبرد وسما يصرخ رعدها
والعيون اللي ورى الشّباك مذعوره iiحزينه
طوّلوا بالكهف الاصحاب وبقت روحي iiوحدها
كنّها في كوكبٍ ثاني خلا من iiساكنينه
الوداع اللي بعلم العين يعبر من رمدها
والوداع اللي بلا علم لقفص صدري iiغبينه
والوداع اللي بلا رجعه علي أمرّ iiوادهى
والله انّه غرغرة سم وسكاكينٍ iiسنينه
والعنود اللي جفيت الناس والدنيا بعدها
مدّت الفرقى لغاليها وهي تعطي iiالثمينه
وينها كيف اتركتني ليه ما جت في iiوعدها
والقمر لاطل خابرها تجي بيني iiوبينه
رحت انادي واتلمّس في مهب الريح iiيدها
كنّي احصانٍ بلا صاحب طوى البيدا حنينه
رحت اصيح الصبح وينه والعرب مارد iiاحدها
ما سمعت الا صدى صوتي يقول الصبح وينه
كنّهم من يوم ذيك الشمس غابت من بلدها
طلّعوني في النّفود وصكّوا ابواب iiالمدينه
كنّهم من يوم ذيك الذاهبه محدن iiوجدها
كل رجّالٍ من الشّرهه قلع في الدرب عينه
أثرها ماتت .. وماتت كل فرحه في iiمهدها
والربيع اقفت به اللي كانت التاج لجبينه
جاورت عقب الحدايق حفرة مااقسى iiلحدها
حفرةٍ ماني مصدّق كيف ضمّت iiياسمينه
للحزن فيني مثل ما للطّهاره في iiجسدها
ويش اسوّي لا فتشت اللي لها وسط iiالخزينه
زخرفت حلم وبَنَت له مسكن وسمّت iiولدها
آه لو غرّد ولدها في خميلة والدينه
عاهدتني واظفرت بيْمينٍ اقوى من iiعهدها
والصّبي لا خير فيه ان كان ما نفّذ يمينه
ما تتقى في رثاها عرقٍ اكتظ iiبشهدها
ولا تبقىّ خلف قضبان الجفن عذرى iiسجينه
كيف عند العالم ايّام العزى محصي عددها
والا انا طالت شهوره والله اعلم كم iiسنينه
لا الثرى فيها نبات ولا المشي خط iiبنكدها
ولا السما فيها طيور ولا البحر يمّه iiسفينه
لا القمر هذا مساه ولا العصي هذا iiرغدها
لا الزهر هذا شذاه ولا الذهب هذا iiرنينه
قالوا الشّيخ الفلاني مرجع القوم iiوسندها
قال يبشر بالعوض والعلم جينا iiناقلينه
ساقلك بدر البدور اللي نشدها من iiنشدها
جادلٍ هزّت عروش وخيّبت روسٍ iiذهينه
قسْمَها في رسْمَها في جسمها الا في iiرشدها
واسمها ان جال الغضب قومه على الألسن رطينه
اترك الناي وعطيّة شيخنا غن iiلسعدها
وانبسط يا عم وانسى اللي ورى التربه iiدفينه
قلت ولصدري تناهيتٍ تروّع من iiشهدها
آه واويلاه من يجلب على قلبي iiظنينه
خلّوا اغلى ذاهبه ترعى ربيع اللي iiفقدها
والعطى راعيه محدٍ صوبه الله لا iiيهينه
لو ضمنت الجنّه وتفّاحه القلب iiوشهدها
قلت من بكره عسى مجنونها تاقف iiسنينه
الله اللي راد والعقده قضاها اللي iiعقدها
لا على الدنيا سلام ولا لباقي العمر iiزينه


لشاعر::ناصر القحطاني

يمكن تكون مكرره
بس ألحلو للحلو

صح لسان الشاعر
يعجبني شعره وخاصه هذي القصيده
سمعتها بصوت خالد عبدالرحمن

تسلم يالعاشق

ذوق مميز من جد --- قصيده ماتحتاج شهاده من احد ---الف شكر---

أجمل اغنية لخالد عبدالرحمن........مشكور على الاختيار المتميز
تقبل مروري