شوية نكت على كيف كيفكم


واحد بيقول للتاني : هي مراتك ماتت إزاي ؟ قاله وانا واقف معاها فى البلكونه وقعت من الدور الخامس... قاله لا حول الله يا رب دى موته وحشه أوى قاله لأ.. ماهى ماوقعتش على الارض... قاله امال ماتت ازاى قاله وقعت على سلك الكهرباء... قاله يا ساتر يارب دى موته وحشه أوى.. ماتت من الكهرباء طبعا قاله لأ يا عم.. ماهى الكهرباء كانت مقطوعه... قاله امال ماتت ازاى بس قاله اصل السلك نطرها في حمام السباحه... قاله لا اله الا الله ماتت غرقانه قاله بس يا عم اعوذ بالله... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله امال انت بتقول ماتت ازاى قاله ما انا لما ما لقيتش فايدة رحت خانقها بالإيشارب

مره واحد داخل الحمام فقال اعوذ بالله من الخبث و الخباث فقاله الشيطان ياعم اعمل وانته ساكت بقي ايه ارف ده

مره فى التليفزيون عملوا جايزه مليون جنيه للى عنده 10 عيال فواحد قال لمراته عاوزين نكسب الجايزه دى احنا عندنا 9 عيال انا كنت متجوز و عندى عيل انا هروح اجيبه و نكسب الجايزه راح يجيب العيل و جه ملقاش ولاده قال لمراته فين العيال قلتله كل عيل ابوه جه خده.

واحد كل م ينزل من بيته يلاقى واحد قاعد جنب عمود بيدخن سيجارتين فساله عن السبب.. قاله انه متعود هو و واحد صاحبه ان يقعدوا يشربوا سجاير هنا، بس صاحبه مات فبيشرب واحده ليه و واحده لصاحبه ...... بعد مده صاحب البيت شاف نفس الراجل تحت العمود بيشرب سيجاره واحده فقاله انت نسيت صاحبك ولا ايه ؟؟؟؟ قاله: لأ اصل انا بطلت

مرة فار فشار شاف جثة اسد قعد يجر فيها لغاية ما وصلها الغابة المهم الحيوانات كلها قعدت تهتف وتقول عاش الفار راح الفار رفس الاسد برجله وهو بيقول انا لما اتعصب ما برحمش

مسطول بياكل فيشار فى الشارع ، وواحده وقعت منه ...فقاعد يقول لها اطلعى اطلعى اطلعى احسنلك ..... قام فى الاخر راح رامى الفيشار كله وقال لهم هتوها

واحد بخيل وهو بيموت بينادى على اولاده: نادر هنا ؟ أيوا يا بابا... و كريم فين ؟ رد وهو بيعيط أنا جنبك يا بابا... قالهم انتو الاتنين هنا و سايبين نور الصالة منور