ترضى أحد يفتش في موبايلك .......... وليش

**مجروحه روحها** · 02-Jun-2008, 05:34 AM

ترضى أحد يفتش في موبايلك ! وليــش ؟
... موضوع أعجبني للنقاش ...
الموبايل ( مستودع الأسرار )!!
صار الموبايل جزء لايتجزاء من حياتنا اليوميه مانطلع إلا بالجوال ومانقعد ولا نرقد إلا مع الموبايل
غير عن أهميته المعروفه إنه جهاز إتصال
صار يحوي أشياء كثيره منها المسجات والوسائط النغمات والشعارات و و و ...!!
الموبايل مثل السكرتير
اللي يذكرنا بالمواعيد والساعات متى علينا محاضره وفي أي قسم
والتقويم اللي دايم مانحط فيه التواريخ المهمه :إمتحانات ، مستشفى ، إجازة ..:
والمنبه ( أهم شي المنبه )
اللي لي رن الصبح وقت الدوام .. نحط على غفوه وهالغفوه 10 دقايق
ومانقوم إلا إذا حد قال لنا :.. قومووووا دووووام متى بتروحوون الشوارع زحمـــه !!

( لحد يتعبث في موبايلي ) !!
هالجمله البسيطه تحوي معاني كثيره ( ممكن تفسرونها )
ليش مانرضى أحد يفتش أو :يتعبث: في الموبايل
هل هو الحرص عليه !!
ولا من زوود المحبه !!
ولا فيه شي خطير مانبي أحد يشوفه !!
هل لهالدرجه الموبايل خطير ماتخلي حد يقرا مسجاتك
ويشوف قائمة الأسماء اللي في موبايلك
ولا يسمع النغمات اللي منزلها ولا يشوف كم فيديو إستعراض
الأسئله كثيره والتساؤلات أكثر حول هالموضوع
... أتركم لكم المساحه
وانتظر تفاعلكم

امل متجدد · 03-Jun-2008, 04:29 AM

انا بالنسبه في اشياء مااحب احد يقراها غيري
وفي اشياء عندي عادي
بس حلو الانسان يشعر بخصوصيته ويحس باهمية اشياؤه
اما اذا قراها الكل احس مالي اسرار ولا خصوصية
اشكرك على الطرح الرائع

**مجروحه روحها** · 03-Jun-2008, 06:43 AM

كلام مقنع تحياتي لك
دمتي بود

عاشق المها · 03-Jun-2008, 07:49 AM

عشان أصرعه >>> خخخخ أمزح

بس الأنسان لازم يشعر بالخصوصيه في أموره ( وللكل أسرار ) ...

ومن الجدير بالأنسان أنه مايكون مثل الكتاب المفتوح الكل يقرأه ويعرف وش عنده...

أشكرك أختي مجروحه روحها على الموضوع

رائع جدا ( أحب المواضيع ألي تبين أراء الناس )

لك مني التحيه

**مجروحه روحها** · 03-Jun-2008, 08:04 AM

>>>>>>>>> اعرف ناس نشبه تبي تعرف كل شي خخخخخخخخخخخخـ
عاشق فديت هالطله
تحياتي لك خيو

ترضى أحد يفتش في موبايلك .......... وليش

المنتدى العام