من اشعار سهير الطرف ((إنذااار))

يقول.
.
.
.
.
.
.

انا بحر لكن مانيب غدّار=وابسط معالم هيبتي في ركودي

يا شعر ارمي من يعاديك بالنار=لو لانو العذّال ما لان عودي

ترى الشعر مشتل يساتين وازهار=وبعض الورود الذابله مش ورودي

بدري على لفّة زمانك اذا جار=وبدري على شخصن يناطح سدودي

اكبر مفاهيم العمر حكمة اقدار=واكبر مفاهيم الكرامه وجودي

افشل ولكن اعرف اشلون اختار=دام العمر جملة لياليه سودي

اخطي ولكن اعرف اقدّم اعذار=ولاني من الي للمواقف شرودي

اعرف ولكن اكتم علوم واسرار=وعند الزعل بتشوف يظهر برودي

ابكي ولكن دمعتي حولها ستار=يمكن على حزني سعادة حسودي

ازرع ولكن ميزة الغصن بثمار=وانا غصوني مثمره من جدودي

اخسر ولكن ارجع وكلي اصرار=لو احترق بس احترق من وقودي

غيمة صغيره منّها وابل امطار=وفي حزّة الميدان تدوي رعودي

اهدم فلل وادري معي بيت وجدار=انزل ولكن ايتزايد صعودي

اسهر واحاكي ضيقتي خلف لسوار=ومن باب همي قمت اقرّب وفودي

الدهر جاير واغلب الحظ قد طار=وانا طموحي جيت ابرسم حدودي

العمر فرصه وآخر الوقت مشوار=والنفس هي مثل المحارب تذودي

عن صهلة خيول الشعر عقبها غبار=وانا محضر هالقوافي جنودي

من تجربة شاعر يقابله شعّار= ولا مكانن بيننا للحقودي

واكبر قهر لا صارت السالفة ثار=هذا لو انهم حرّفو في ردودي

ناسن تفكّر في تنقال لخبار=ولهم ثلاث اربع زلايب شهودي

اكبر طموحن عندهم لفت النظار=وليا انفظح يحلف كذب كاليهودي

لكنني ما اشعل النار بالنار=يكفيني اني وافين في وعودي

هذا الشعر اخذه على عزف لوتار=شعري والحاني من ابسط جهودي

للي يعرف اني اوجه له انذار=مع كل هذا ما تراخى جمودي


سواااالم

تسلم اخوي

تحياتي لك

اسعدني مرورج خيتوو

كلمااات ترتوبيشن الصرااااحه
يسلمو على النقل الترتوب

سلم نقلك وقلمك النبع

تقبل كل تقديري لشخصك الغالى

كل عام وانت بخير وبركه

لا اله الا الله