يا من تعذبني وأنا فيك مفتون
.......................... ارفق بقلبٍ ما عرف غير حبّك
أنشهد أني في محبتك مرهون
....................... غريق ما يقدر على موج غبك
ما همني لو قالوا الناس مجنون
.....................ما دام أعشقك وأهتويك وأحبك
ما تدري أنك داخل الروح مكنون
.................... وإن ما تبي في نون عيني أخبك
إن دب ليلي أقطعه غصب بلحون
...................... أسهر على ذكراك وأرقب مهبك
أرسم على كفي تعابير وعيون
......................وأحس روحي تحترق في مشبك
وأرسل مع النسمه تناهيت وشجون
..[COLOR="red"]......................عسى تمرّك يا حبيبي بدربك
اذكر عهودك دام الأيام بالهون
..................... اذكر عهودك يوم أعانق ملبك
يوم أنت تجرحني بنظرات محزون
.......................وعن باقي القصه دموعك تنبك
وإن كان هانت عشرتي يالله العون
........................حلال فيني كل ذمك وسبك
يكفي أشوفك كل شي ٍ بهاالكون
.....................و الكون كله ما سوى شي عقبك
لو ينكشف قلبي على الناس يقرون
.................... مكتوب في عالي خفوقه أحبك
أربع حروفٍ لخّصن كل مضمون
....................... حلفت تنطقهن نشدتك بربك[/color]
أنت غير مسجل في منتديات مها الشرق. للتسجيل الرجاء اضغط هنـا 
يامن تعذبني ..... 
العرض العادي
