قصيده من اجمل القصائد للشاعر سعد علوش
(( اخذيني ))
أخذيني إليا عجبتك بس رديني وأن ماعجبتك خلاص أخذيني مابيني
مادامني شفت فيك الطهر والعفة باعيف نفسي إليا منك كرهتينــــــي
أخذيني لو أعتبر من ضمن أشيائك وأنا بحبــــك ولا لازم تحبيـــــــــني
لا بي علاقة ولابي نظرة وبسمة احساسي أني بقربك بس يكفينــي
ولو أني انضفت لشيائك غصب عنك طلي علــــــي ياغناتي لا تخلينــي
تراي لاجـــــــا المصامد ماني بهين تقول كل العرب لعبة بيديـــــــــني
شخصيتي من غرابتها وطيبــــــتها كن الزمن في تحدي بينه وبينـــي
أخذيني الشاعر اللي ماصدق حظه لا قلت ياحظ وينك؟ قال : ياوينــي
أخذيني المبدع المتفلسف.. التحفه مؤمن وتضحك على العالم شياطيني
شهرة شكسبير وأفلاطون ونيوتن لاقلتلي بيت شعر تطيح من عينـــي
أخذيني العنصري اللي صدق متعنصر من دون ربعي لو أقطع شرايينــــي
أخذيني اللي ليا منه طلب يعطـــــــا وتكفين لامـن طلبتك لاترديـــــــنـــي
تكفين ياغايتي يابهجة الدنيا أبحــــــــــــرق قلوب ناس ماتدانيني
أخذيني بكل شوق وقولي أحبه وإن شككوا فيك ولافيني .. ضميني
قولي سعد والله أنه غالي جدا وياجعل فدوة شبابي وأخر سنيني
وأنا بصدق كلامك واعتنز بالله وباقول للنـاس مايعنــــيك يعنينـــي
وأنا علي نذر ماأرخص جيتك وأنتي نذر على رقبتك أنك .. ماتخليـــــني
أنت غير مسجل في منتديات مها الشرق. للتسجيل الرجاء اضغط هنـا 
اخذيني 
العرض العادي
