ممكن

**يـاعـمــري انــا** · 01-Oct-2008, 04:14 AM

السلام عليكم ورحمة الله وبركاته..

اممممم في شي مظايقني وااايد انا بقول لكم شو السالفه وانتو احكمو انا غلطانه والا لا..

السالفه في انسانه واايد قريبه مني وانا اعزها واايد وااايد واايد,, هي تحب واااحد وابوهم من النوع اللي مشد عليهم واايد يعني لدرجة انه عنده الموبايل عيب وها السوالف,, وهم مظهرين موبايلات وهو ما يدري يعني الام وكل حد حتى اهلهم بس ابوهم لا,, المهم السالفه وما فيها ابوهم ساير رحله ويا ربعه يعني اسبوع وبيرد لهم وانا اختها قالت لي على المسن انها ظاهره ويا اللي اتحبه وكانت الساعه 2:30 فليل ,, انا اتصلت فيها اوني بس جي لانه عشان مااتعرف انه اختها قايلتلي ف سالتها انتي وين جان اتقول انا ويااا حبيبي قلتلها اوكي 5 دقايق وردي البيت قالت لي اوكي برد,, بس ما ردت البيت سوت لي طااف وانا كذا مره من زماااان مرمستنها وقايلتلها بس مافي فايده,, انا من كثر مااعزها واحبها وهي اكثر من اخت والله,, طرشتلها مسج طحتي من عيني وما اتوقعت انج جي بتكونين وهو لو يحبج صدق ما بيرضاها عليج تظهرين وياه ها الحزه وها الساعه,, طرشت لي لا تخافين نحن ما انسوي شي غلط سرنا اتعشينا ونتحوط,, وانا اعرف ها الانسان كلمة نذل شويه عليه بس ساكته ما اقول شي,, المهم طرشتلها كيفج وانتي حره لو بتباتين برع البيت كيفج .. عقبها تقريبا بساعتين طرشت لي مسج(( ما توقعت ها الكلام منج انتي بالذات وانا ياما وقفت وياج وسويت لج خير وساعدت بس صدق الدنيا ما فيها خير))..

الحينه الانسان يوم بيسوي لشخص ثاني خير او بيساعده في مشكله هو فيها لازم يقول انا سويت وسويت وسويت...

انا ابا راايكم في ها الشي انا غلطانه او غلطت في شي عشان انا اخاف عليها وحاولت انصحها واقوللها اللي اتسوينه غلط والا هي الصح وانا الغلط؟؟

عاشق المها · 01-Oct-2008, 10:01 AM

هلابك يا عمري أنا ..

أنا ما أشوفك سويتي غلط .. ويعطيك العافيه ...

الي عليك سويتيه نصحتي و رفيقتك زعلت من نصيحتك لأنها تضن نفسها واثقه من نفسها واثقه من الشخص ألي طالعه معه ..

يكفي أنها خانت أبوها .. لأني ما أضن أن الشخص ألي طالعه معه رايح يتزوجها بالمستقبل

أنصحك أنك تخلي علاقتك معها خفيفه شوي ... إلى أن يهديها الله لأنها رايح تأثر عليك وعلى سمعتك ... قالو قديما ( قول من صديقك...أقول لك من أنت )

أنت سويتي ألي عليك ..

الله يحفظها ويحفظك ويهدي بناتنا

Mahawy1 · 01-Oct-2008, 12:10 PM

أختي ياعمري,أنا أأيد أخ عاشق,أنك تبتعدي عن هالبنت الله يسترها,لأن البنت مثل الورقة البيضاء أذا تأثرت بأي لون صعب أزالته....

ثم أنك نصحتيها,وسويتي بأصلك الطيب,وخوفك عليها دفعك لذلك,
قال رسولنا الكريم:-(من رأى منكم مٌنكراً فَليغيرهُ بيدهِ,فأن لمْ يَستَطِع ,فبلسانه,فأن لم يستَطِع فبقلبهِ,وذلك أضعف الأيمان)
وأعتقد,أنك سويتي اللي تقدرين عليه,لأنك تحكمك أخلاقك وتربيتك الصحيحة,,,,وخلاص,,يكفي أختي,أنتِ مو مسؤلة عنها,هي مو قاصر,عقلها يقودها للطريق اللي تختاره...

حفظك الله اختي من كل شر

**يـاعـمــري انــا** · 01-Oct-2008, 01:29 PM

تسلمون على ردودكم اللي ريحنني وااايد

الله يهديها ان شاءالله بس صدق وااايد اتظايقت منها
دنيا غريبه وعجيبه اللي اتحاول تنصحه يستوي عدوك
بس اوقف وياه على الغلط اللي يسووييه يكون لك شخص ما تتوقعه..

**المَنْاعِيْ** · 01-Oct-2008, 01:43 PM

انا اشوف يا اختي الي سويتيه صح........ وغلط قولي ليش !!!!!!!

اول شي انتي نصحتيها وكل شي وجزاج الله خير ع النصيحه وهي ما اتقبلت النصيحه صح ..... يعني خلاص كيفها انتي ما بضرج شي ولا بعورج شي يعني هي ما خافت من ربها ولا من اهلها ولا حشمتهم بتحشمج انتي وانا اعتقد عشان جي هي ردت عليج ها الرد

وثاني شي انتي اتدخلتي فشي ما يعنيج صح هي نفس اختج ع قولتج وقريبه منج بس الصراحه مالج حق انج اتقوليلها (ردي البيت احين) ولا من حقج اتقوليلها طحتي من عيني هي اكييييد بترد عليج رد مب اوكي انا اشوف لو التزمتي بالسكوت وطنشتيها وابتعدتي عنها اشوي اشوي كان افضلنج من انج تسمعين هاي الرمسه منها وانتي كان قصدج شريف .......

ثالث شي يا خواتي لا اتضنون بالناس بالسوء لأنه عقب بتتآثمون عليه ويا اختي يا عمري انا سواء الولد كان زين ولا شين ها شي ما يخصنا يخصها هي ومشكلتها هي ما علا الرسول الا البلاغ يعني عليج تنصحينها بس لا غير انا اشوف انج جي احسن بدال ما تيج الرمسه وتزعلين منها و لو استوى شي لا سمحى الله بتعرف انه كلامج صح بس عقب شو الله واعلم والله يستر ع الجميع

( اللهم استرنا فوق الأرض وتحت الأرض ويوم العرض عليك )

والسموحه لو طولت فالرد بس انتي طلبتي راينا وها رايي

ممكن

منتدى افتح قلبك